1 KIUTHSÜYUKHEAN 29:20 - AMÜSÜH HÜM CL Bible (BSI)

²⁰ Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

1 KIUTHSÜYUKHEAN 29:20 Iomraidhean Croise

THRÜNTAN 24:26

Judüki mihtsürünü aku mükhüm tüsho Atungpuh kingaün.

THRÜNTAN 24:48

Inü I ku mükhüm tüsho Atungpuh kingaün, tüsho I putungrü tsührü thsungkheak aniurü tsührübe lupü I thiyuro limro ching bebuh Atungpuh I putungrü Abraham Thrünpuh shijih.

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIUTHSÜYUKHEAN 16:36

Akheam mülakhi chingnü akheam mülakhi khiungde, Israel Thrünpuh, Atungpuh shiang.” Judüki mihtsürü alalanü tha, “Amen!” tüsho Atungpuh shijih.

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 134:2

Arüngakopung ching nüsa khahbo shuhkihang, tüsho Atungpuh shiang.

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

MÜCHITMUDU 24:21

I tsah-a, Atungpuh tüsho kiulongthsüpuh wüntreang azhihrü lung datruachih,

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

JIHUSUA 22:33

Thiyusheak hode Israelrübo reangkeamabah tüsho Thrünpuh mung shi. Jushu arünü Reuben tüsho Gadrü lapung thsümünimjihde keochihpü müthadebah.

1 PETER 2:17

Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

1 SAMUEL 12:18

Jumonü Samuelnü Atungpuh ki ji, tüsho Atungpuhnü ju nimung tsüngmuk tüsho tsüng arüshih; tüsho mihtsürü alalanü Atungpuh tüsho Samuel khide tre.