1 KIUTHSÜYUKHEAN 29:17 - AMÜSÜH HÜM CL Bible (BSI)

¹⁷ I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

1 KIUTHSÜYUKHEAN 29:17 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:16

O Atungpuh isa Thrünpuh, nü mung amüsüh thsungkheaknü isanü suhdahde ajihkhi alala ha nü khah chingnü arüchoh tüsho alala nü yo ah.

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

2 KIUTHSÜYUKHEAN 6:30

nünü nü lapung yinmi chingnü sojang, neak bahjang, tüsho nünü mükheahde alakhi mulong arü limro ayannü alala ki jihang, tümüde nünü lang mihtsürü mulong mükheahlah.

MUNGSHIKHÜN 15:2

Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 51:8

I ki asühachih tüsho asühkhi soshang, junangde nünü ayihthünakkhi robo asühachihbah.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MÜCHITMUDU 11:20

Sherü mulong amütsü lanü Atungpuh kilim athraneanbe lah, tüshe mungchih mülarü limrobo ching api asühpü lah.

MÜCHITMUDU 16:2

Mihtsürü limro alala nihbuh mük ki atsangkhit lah, tüshe Atungpuhnü lümkhibo adünchoh.

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

MÜCHITMUDU 21:2

Mihtsürü limrobo alala nihbuh mük ki alungki lah, tüshe Atungpuhnü mulongbo adünchoh.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 9:7

Mihtsürü abannü mükünmuthsung yungsho arochihde yungde nihbuh mulongnü apungkhikhi jihang, tümüde asühde ajihrü Thrünpuhnü muzhochoh.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

PHILEMON 1:20

Am, keoniorü, Atungpuh lung inü nü kilimnü alü thsükhi khürü lunelah. Khrista ching I mulong rhüngrhüngshang.

PHILEMON 1:7

Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”