1 KIUTHSÜYUKHEAN 29:13 - AMÜSÜH HÜM CL Bible (BSI)

¹³ Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

1 KIUTHSÜYUKHEAN 29:13 Iomraidhean Croise

1 KIUTHSÜYUKHEAN 29:12

Lakhit tüsho wüntrepü nü kilimnü arüchoh, tüsho nünü alala kurungkheak yakzan shuhchoh. Nü khah ching wu-sühmüh tüsho wuto lah; tüsho alala kilim toshihpü tüsho sühmüh jihpü nü khah ching lah.

1 KIUTHSÜYUKHEAN 29:14

“Tüshe isanü ha akeangnü jihchungkhukkhi ha I tüsho I mihtsürübo she a? Tümüde kukruk alala nü kilimnü arüchoh, tüsho nü yo isanü nü jihdo.

MUNGSHIKHÜN 105:1

O, Atungpuh ki makshe jihang! Api mung jiang; api rhimobo mihtsürü bolung mükheahshang.

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 145:1

Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

2 KORINT 9:15

Müthakhukbe api thsambah thsungkheak Thrünpuh kilim makshe jihang!

YUZÜNGTHALO 32:3

Tümüde inü Atungpuh mung zhiyukjihbah. Isa Thrünpuh tokhi thaang! @SP ACE=

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.