1 KIUTHSÜYUKHEAN 29:12 - AMÜSÜH HÜM CL Bible (BSI)

¹² Lakhit tüsho wüntrepü nü kilimnü arüchoh, tüsho nünü alala kurungkheak yakzan shuhchoh. Nü khah ching wu-sühmüh tüsho wuto lah; tüsho alala kilim toshihpü tüsho sühmüh jihpü nü khah ching lah.

1 KIUTHSÜYUKHEAN 29:12 Iomraidhean Croise

1 KIUTHSÜYUKHEAN 29:13

Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

2 KIUTHSÜYUKHEAN 20:6

tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

2 KIUTHSÜYUKHEAN 32:29

Junangde api thsungkheak kiutobo, mihnu tüsho moshi boto suhdahde alakheah; tümüde Thrünpuhnü api kilim lakhit ato jih.

JOB HU H T ANYU 42:10

Tüsho Jobnü api müyamrübo thsungkheak tamkhüntamnüchoki Atungpuhnü Job müngühmühi jihlo; tüsho Atungpuhnü Job kilim püpüki lakhi mahne dün jih.

JOB HU H T ANYU 9:19

Ha sühmüh azhihachihkhi dükhülaa, api amüküpbuh ah! Ha mahkhap ah dükhülaa, shenü api jikhukpü?

MUNGSHIKHÜN 103:19

Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 28:8

Atungpuh ju api mihtsürü sühmüh, api ju api yo mujude-mokhitkhi akhümkhit tsoyukpung ah.

MUNGSHIKHÜN 29:1

Atungpuh shiang, O nüsa yinmirübo, Atungpuh müretahkhi tüsho wu shiang.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MÜCHITMUDU 10:22

Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

MÜCHITMUDU 8:18

Lakhitbo tüsho wüntre I lung lah, lakhitbo tüsho kukzam rünkhiungde lah.

T H S AN GYU T H S AN GR ARÜ 5:19

Junangde sherü kilim Thrünpuhnü lakhit tüsho yamalo tüsho shepü ki apinü jurü asühshihkhukcho, tüsho arü shihcham leangkhide tüsho arü rhimo ching asühpü ngüchonü–ha Thrünpuh thsambah ah.

ISAIA 40:29

Apinü sühkeakearü kilim wu jihchoh, tüsho sühmüh mülarü reangzahshihchoh.

ISAIA 43:13

I Thrünpuh ah, tüsho kheakünü rünbah I api ah; I khah chingnü abekhitkhukrü she müla; inü rhimochoh tüsho shenü ju zhipdopü kukla?

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 3:20

Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

AMIKHEAKAKHIUKKHI 11:17

tha, “Atungpuh Wuto Thrünpuh, isanü nü ki makshe jihchoh, shepü la tüsho shepü lakhea, tüsho arüpü la, tümütüsho nünü wu ato lu tüsho kiulongthsüpü tankih.