1 KIUTHSÜYUKHEAN 29:10 - AMÜSÜH HÜM CL Bible (BSI)

¹⁰ Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

1 KIUTHSÜYUKHEAN 29:10 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

2 KIUTHSÜYUKHEAN 31:8

Küyimki Hezekia tüsho atorübonü arübah amujungbo ngükhea, arünü A TUN GPU H shijih tüsho api mihtsürü Israel müngühjih.

2 KIUTHSÜYUKHEAN 6:4

Tüsho apinü tha, “Atungpuh , Israel Thrünpuh shiang, shepü khah hode api münnü I buh David ki alokhikhi dünjishihde tha,

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

MUNGSHIKHÜN 138:1

Inü I mulong athrünkhinü nü shijihbah; thrünpuhbo miki inü nü ki mungshikhibo khün thsübah.

MUNGSHIKHÜN 146:2

I arhang lachoki inü Atungpuh shibah; I rhangdung lachoki inü I Thrünpuh ki müshikhibo khün thsübah.

MUNGSHIKHÜN 22:26

Zhochihrünü atsühbah tüsho reangkeambah; sherünü api yimchonü Atungpuh shijihbah. Arü kamruhroro latsühlayung lashang!

MUNGSHIKHÜN 57:6

Arünü I jingdükü thsungkheak keang thsüa lah; I me mükhümdo; arünü I müngüh shingkung kiudo; tüshe ju ching arü keamyuka lah.

MUNGSHIKHÜN 89:52

Lünnü Atungpuh shiang! Amen! Amen!

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

EZEKIEL 3:12

Judüki menü I shuhkih, tüsho I dunglim arhunganim düsheak ato inü so: “Atungpuh müretahkhi api lapung ching shishang!”

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

LUKNÜ ATHRÜTKHI THIYUSHEAK-ATSÜ HUHTANYU 11:3

Nimung aban tsühyungbe isa kilim kü.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 8:15

Tümüde nüsanü trede atsopü azhorü me müleangkhi, tüshe tsührü thsüpü me leangkhido. Api hode isanü zhichoh, “Abba, Abuh!”

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 32:3

Tümüde inü Atungpuh mung zhiyukjihbah. Isa Thrünpuh tokhi thaang! @SP ACE=

FILIPI 4:20

Isa Abuh Thrünpuh kilim lünnü lün müretah thsang. Amen.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

AMIKHEAKAKHIUKKHI 5:12

Arünü düsheak achangnü khün thsü, “Wu, lakhit, lümlung, sühmüh, wüntre, müretah tüsho müngühmühi leangkhipü alaksahkhi Namfimihnunu athülün lah!”