1 KIUTHSÜYUKHEAN 29:1 - AMÜSÜH HÜM CL Bible (BSI)

¹ Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

1 KIUTHSÜYUKHEAN 29:1 Iomraidhean Croise

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 1:20

Tüshe nü, I tungpuh kiulongthsüpuh dunglim kiulongthsü-binkiu kheak shepü binpü arü ki thabanü Israel alala mükji nü kheak lah.

1 KIULONG THSÜRÜ 3:7

Tüsho kheakü, O Atungpuh I Thrünpuh, I azürü thsüa lalashe nünü I nü yamlarü I buh müthri kiulongthsürü kamshih; künangde yakzan shuhbanü inü mümükheah.

1 KIUTHSÜYUKHEAN 22:2

Davidnü Israel lomi ching larü khiungkerübo mukhungpü thiyukhüm jih, tüsho Thrünpuh yam thsüpü thsungkheaknü lung sümshihpü lung kheanrübo rhimoshih.

1 KIUTHSÜYUKHEAN 22:5

Kheakü Davidnü tha, “I tsührü Solomon azürü ah tüsho mürhimoakheah, tüsho Atungpuh thsungkheak thsüpü thüyam ju khide atsüdakbe, athukhi tüsho lomi alala ching müretahkhi labeah; inü ju thsungkheak tsanglungbah.” Jumonü Davidnü api müsheyide kukrukbo hihdakde tsanglunga zojih.

1 KIUTHSÜYUKHEAN 28:1

Davidnü Israel torübo alala, trükbo torübo, kiulongthsüpuh tankihpü chamnakkhi torübo, chithürübo tüsho chibo kurungkheak wühkenorübo, lakhit-kukruk alala tüsho kiulongthsüpuh le api tsührübo moshibo atoathüprü, ju lung kiulongthsüpuh yam torübo, athrungrü thirithsürübo, tüsho thirithsürü alala Jirusalem ching bemukhung.

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

1 KIUTHSÜYUKHEAN 28:8

Kheakü jumonü Israel alala mikinü, Atungpuh yo amukhungrü, tüsho isa Thrünpuhnü sode, Atungpuh nüsa Thrünpuh yukhüm alala leangkhiang tüsho kümkangde yimang; junangde ha lo atsü nüsanü alubah, tüsho nüsa dunglim lünnü nüsa tsührübo yamrüplurüp thsungkheak zojihbah.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

2 KIUTHSÜYUKHEAN 1:2

Solomonnü Israel alala, chithürübo tüsho chibo kurungkheak wühkenorü, mahkhaprübo, Israel limberü alala, guk ching akubo jimukhung.

2 KIUTHSÜYUKHEAN 13:7

tüsho amüthülünkhi amütsü mihtsürübo khürü api mükamde mukhung tüsho Solomon tsührü Rehoboam müneah, Rehoboam ju athunu tüsho müdüngying tüsho arü muthsolokhukde alakheah.

MÜCHITMUDU 4:3

Küyimki I buh tüsho I be miki I azürü nunu lakhea,

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.