1 KIUTHSÜYUKHEAN 28:8 - AMÜSÜH HÜM CL Bible (BSI)

⁸ Kheakü jumonü Israel alala mikinü, Atungpuh yo amukhungrü, tüsho isa Thrünpuhnü sode, Atungpuh nüsa Thrünpuh yukhüm alala leangkhiang tüsho kümkangde yimang; junangde ha lo atsü nüsanü alubah, tüsho nüsa dunglim lünnü nüsa tsührübo yamrüplurüp thsungkheak zojihbah.

1 KIUTHSÜYUKHEAN 28:8 Iomraidhean Croise

1 KIUTHSÜYUKHEAN 28:7

Apinü khihni rhimokhi nangde, apinü I yakzanbo tüsho I yukhümbo kümkangde anisho, inü api kiulongthsü lünnü alashihbah.’

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

EZRA 9:12

Jumonü nüsa tsührübo arü ki dürhangshih yungsho arü tsührü nüsanü dulu, tüsho küyimkishe arü ki mungtsü tüsho lakhit düyim, junangde nüsa sühmüh lade alo chingnü akhiukkhi atsü tsühbah, tüsho ju nüsa tsührübo kilim lünnü yamrüplurüp labah.’

MUNGSHIKHÜN 119:27

Nü yakzanbo anikhitpü I rungang, tüsho nü amüyinsahbe rhimobo kheak inü alümbah.

MUNGSHIKHÜN 119:4

Nünü nü yakzan thiyuronü azoshihpü isa ki thiyukhüm jih.

MUNGSHIKHÜN 119:44

Inü kamruhroro nü yakzan anibah, lünnü lün thsungkheak.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

MÜCHITMUDU 13:22

Mihtsürü atsünü api tsührü tsührübo kilim yamrüplurüp zojihchoh, tüshe aneakrü lakhit ju thiyuro-lungkirü thsungkheak hanmukhunga lah.

MÜCHITMUDU 3:1

I tsah-a I yakzan dümih, tüshe nü mulongnü I yukhümbo zoshang;

ISAIA 34:16

Yimang tüsho Atungpuh hüm chingnü kheang: Harü bolung khülang she mülakphah; sheshe drepung mabande müla. Tümüde Atungpuh münnü thiyukhüm jihdo, tüsho api menü arü bemukhungdo.

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

YUZÜNGTHALO 27:1

Judüki Mosa tüsho Israel azothsürübonü mihtsürübo ki thiyukhüm jihde tha, “Khihni inü nüsa kilim thiyukhüm jihkhibo ha alala mihyuaniang.

YUZÜNGTHALO 29:10

“Khihni nüsa alalanü A TUN GPU H nüsa Thrünpuh miki zhipang: nüsa limberübo, nüsa azothsürübo, nüsa torübo tüsho Israel mihtsürü alala,

YUZÜNGTHALO 29:15

tüshe Atungpuh isa Thrünpuh miki isa lung zhiprü, tüsho khihni isa lung mülarü ki she thsüchoh.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”