1 KIUTHSÜYUKHEAN 28:20 - AMÜSÜH HÜM CL Bible (BSI)

²⁰ Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

1 KIUTHSÜYUKHEAN 28:20 Iomraidhean Croise

1 KIULONG THSÜRÜ 6:38

Kam tizheahpü müzhi khinu ching akeanangkhi nangde mungji athrünkhi thsükham. Apinü ju kam thüne chingnü thsükhi.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

2 KIUTHSÜYUKHEAN 19:11

Kheahang, Amaria amükeam putungpuh Atungpuh dünkheak alala ching nüsa kurungkheak lah; tüsho kiulongthsüpuh dünkheak alala ching Israel tsührü Zebadia, Juda yamkhün yo kovünor lah; tüsho Levirünü nüsa ki atorübo thsüde tankihbah. Mulong tode rhimoang, tüsho tsüde arhimorü lung Atungpuh lashang!”

EZRA 10:4

Asürang tümüde ha nü rhimo ah, nü rungpü isa lah, reangzahang tüsho ju rhimoang.”

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

HAGGAI 1:13

Judüki Atungpuh yunithsürü Haggainü mihtsürübo ki Atungpuh yusheak asuk, I nüsa lung lah, Atungpuhnü thachoh.

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

1 KORINT 16:13

Kurhangang, akin ching düküngde zhipang, mulong toang, reangzahang.

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 4:31

(tümüde Atungpuh nüsa Thrünpuh ju amüthsüm Thrünpuh) apinü nüsa mübahyuk yungsho müdükheakshih, yungsho apinü nüsa bebuhrü kheak tangzüngkhi mümih.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”