1 KIUTHSÜYUKHEAN 27:33 - AMÜSÜH HÜM CL Bible (BSI)

³³ Ahithophel a kiulongthsüpuh lümthiyan-jihrü, tüsho Arkrü Hushai a kiulongthsüpuh müyambuh lakheah.

1 KIUTHSÜYUKHEAN 27:33 Iomraidhean Croise

2 SAMUEL 15:12

Küyimki Absalomnü laksah-a kingaünkhibo jihkhea, apinü David lümthiyan-jihrü Gilonrü Ahithophel anihbuh kiuto Gilo chingnü arüpü yüshih. Aram-yusheak düküngde kam, tüsho Absalom lung mihtsürübo jade kam.

2 SAMUEL 15:32

Küyimki David awung mujuk kheak, Thrünpuh kingaünpung arükhea, Arkrü Hushainü apangkhümpü rukrüp tüsho aku kheak alo yihkihbah api shorupü arü.

2 SAMUEL 15:37

Jumonü Absalom kiuto ching yüzahchoki David müyambuh Hushai Jirusalem khiungde arü.

2 SAMUEL 16:23

Judüki Ahithophelnü athsunganahkhi ju Thrünpuh yu yankhi nangde lang alakheah; jumonü Ahithophelnü athsunganahkhi alala David tüsho Absalom ane chidonü leangkhi.

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

1 KIULONG THSÜRÜ 4:5

Nathan tsührü Azaria ju atorübo kumung lakheah; Nathan tsührü Zabud ju amükeamrü tüsho kiulongthsüpuh müyamrü lakheah;

1 KIUTHSÜYUKHEAN 27:32

Jonathan, David akü, lümthiyan-jihrü, anikhitkhi mihtsürü tüsho athrütrü lakheah; Hakmoni tsührü Jehielnü kiulongthsüpuh tsührübo küm.

MUNGSHIKHÜN 55:13

Tüshe nü, I thülünrü, rukhüh rhimorü tüsho I müyamrü khung ah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.