1 KIUTHSÜYUKHEAN 27:25 - AMÜSÜH HÜM CL Bible (BSI)

²⁵ Kiulongthsüpuh rahpung kurungkheak, Adiel tsührü Azmaveth lakheah. Lomi ching, kiutobo ching, kiulongbo ching, tüsho aheangsadam ching zowupung kurungkheak Uzzia tsührü Jonathan lakheah.

1 KIUTHSÜYUKHEAN 27:25 Iomraidhean Croise

THRÜNTAN 41:48

Jumonü apinü kam thüne ching yo tsühyungbe Ijip lomi ching lakhi hanmukhung, tüsho kiutobo ching zo; apinü arü mühi thulubo ching yo tsühyungbe ju kiuto abande zo.

2 SAMUEL 23:31

Arbathrü Abialbon; Bahurimrü Azmaveth;

2 KIULONG THSÜRÜ 18:15

Hezekianü Atungpuh yam tüsho kiulongthsüpuh rahpungyam ching lakhi shotoyinchi alala api kilim jih.

1 KIUTHSÜYUKHEAN 27:24

Zeruia tsührü Joabnü arü khepü tankih, tüshe müban; tütüshe ha thsungkheaknü Israel kheak bukakhiukkhi arü, tüsho ahihdakkhi kiulongthsüpuh David yukhean khekhi ching muyuk.

1 KIUTHSÜYUKHEAN 27:26

Thulu ching alo kiurü kurungkheak, Kelub tsührü Ezri lakheah.

1 KIUTHSÜYUKHEAN 28:1

Davidnü Israel torübo alala, trükbo torübo, kiulongthsüpuh tankihpü chamnakkhi torübo, chithürübo tüsho chibo kurungkheak wühkenorübo, lakhit-kukruk alala tüsho kiulongthsüpuh le api tsührübo moshibo atoathüprü, ju lung kiulongthsüpuh yam torübo, athrungrü thirithsürübo, tüsho thirithsürü alala Jirusalem ching bemukhung.

1 KIUTHSÜYUKHEAN 29:6

Judüki jipürü yamkhün limberübonü mulongkhi jih, junangde Israel trükbo limberübo, chithürübo tüsho chibo wühkenorübo, kiulongthsüpuh rhimo kurungkheak atorübonü she jih.

2 KIUTHSÜYUKHEAN 16:2

Judüki Asanü Atungpuh yam tüsho kiulongthsüpuh yam rahpungbo chingnü shotoyinchi tüsho sunabo lu, tüsho Damaska ching lakhi Siria kiulongthsüpuh Ben-hadad kilim yüshihde tha,

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

ABEKHIT 1:11

Jumonü Ijiprübonü Israelrü kurungkheak aputungrü zojihbah thsümüchide rhimo rhimoshih. Tüsho Israelrübonü kiulongthsüpuh yo ahiuharapung kiutobo Pithom tüsho Rameses thsüjih.

JEREMIA 41:8

Tüshe arü bolung ching mihtsürü 10nü Ishmael ki tha, “ Isa dülaksah, tümüde isa lubo ching wheat hi, barli hi, müdangke, tüsho mukhuke rama zokhi lah.” Jumonü apinü arü bemuwuh tüsho arü borü lungnü mülaksah.