1 KIUTHSÜYUKHEAN 27:1 - AMÜSÜH HÜM CL Bible (BSI)

¹ Ha Israel mihtsürü, guk ching akubo, chithürübo tüsho chibo wühkenorübo, tüsho kam amuyung khinu abande achamnakkhi ayannü lüpdükhi ching kiulongthsüpuh tankihkhi khinlang, achamnak abannü akhekhi 24,000:

1 KIUTHSÜYUKHEAN 27:1 Iomraidhean Croise

2 SAMUEL 23:8

Harü ha David yo mungthu bonungrübo mung: Takemonrü Josheb-basshebeth; api mahsam yo aku lakheah; apinü mihtsürü 800 thsüh shuhkihbah khülang kinü laksah.

1 KIULONG THSÜRÜ 4:27

Jurü atorübonü kiulongthsüpuh Solomon tüsho kiulongthsüpuh dükhüm ki arürü alala kilim khinu aban tsühyungbe jih; arü yihnüpü lüpdükhi ngüde alakheah.

1 KIULONG THSÜRÜ 4:7

Israel alala kurungkheak Solomon yo atorübo 12 lakheah, arünü kiulongthsüpuh tüsho api yamkhün thsungkheak tsühyungbe jih; mihbüm abannü kam ching khinu khülang thsungkheak jih.

1 KIULONG THSÜRÜ 5:14

Apinü arübo 10,000nü shihcham mahsam thsübah yüshih; arünü khinu khülang Lebanon ching la tüsho khinu mahne thüyam ching la; rhimo mürangrü kurungkheak Adoniram ju abebuh lakheah.

1 KIUTHSÜYUKHEAN 11:10

Kheakü harü ha David bonungrü akubeatorübo, arünü Israel dünkheak Atungpuh yu yande, Israel alala thsürude api kiulongthsürü kamshih tüsho api kiulongthsü müküpde kamshih.

1 KIUTHSÜYUKHEAN 13:1

Davidnü chithürü tüsho chi kumung wühkenorü, limberü abande keokhikeora.

1 KIUTHSÜYUKHEAN 26:32

Kiulongthsüpuh Davidnü api le akeoniorübo athsükhuk mihtsürü 2700, guk ching akubo Thrünpuh yo alala tüsho kiulongthsüpuh yihnübe thsungkheak, Reubenrü, Gadrü tüsho Manase trük chamkhüh kheahshihpü mokhit.

1 KIUTHSÜYUKHEAN 27:2

Akhuhbe khinu ching akhuhbe chamnak kurungkheak Zabdiel tsührü Jashobeam lakheah; api chamnak ching 24,000 lakheah.

1 KIUTHSÜYUKHEAN 28:1

Davidnü Israel torübo alala, trükbo torübo, kiulongthsüpuh tankihpü chamnakkhi torübo, chithürübo tüsho chibo kurungkheak wühkenorübo, lakhit-kukruk alala tüsho kiulongthsüpuh le api tsührübo moshibo atoathüprü, ju lung kiulongthsüpuh yam torübo, athrungrü thirithsürübo, tüsho thirithsürü alala Jirusalem ching bemukhung.

1 KIUTHSÜYUKHEAN 29:6

Judüki jipürü yamkhün limberübonü mulongkhi jih, junangde Israel trükbo limberübo, chithürübo tüsho chibo wühkenorübo, kiulongthsüpuh rhimo kurungkheak atorübonü she jih.

2 KIUTHSÜYUKHEAN 1:2

Solomonnü Israel alala, chithürübo tüsho chibo kurungkheak wühkenorü, mahkhaprübo, Israel limberü alala, guk ching akubo jimukhung.

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

YUZÜNGTHALO 1:15

Jumonü inü nüsa trükbo ching akubo, lümlung larü tüsho mükheahmudurü mihtsürübo lubahle nüsa kurungkheak, chithürü limberü, chi limberü, thürü limberü tüsho nüsa trükbo thsungkheak atorübo mokhitjih.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,

1 SAMUEL 8:12

tüsho apinü chithürü tüsho thünim kurungkheak wühkenorü mokhitbah, tüsho khürü api lu phünpü tüsho yimlushihpü, tüsho keochihbe tsungthsüh tüsho khora-lolungbe kukrukbo thsüshihpü mokhitbah.