1 KIUTHSÜYUKHEAN 25:6 - AMÜSÜH HÜM CL Bible (BSI)

⁶ Arü alala larüp, bingshang, tüsho bingkhungbo shuhbah Atungpuh yam ching khün khungde, Thrünpuh yam ching mukhungmüdan thsungkheaknü arü abuhnü khuhlangahuhkhi khüp lakheah. Asaph, Jeduthun, tüsho Heman arü kiulongthsüpuh yukhüm khüp lakheah.

1 KIUTHSÜYUKHEAN 25:6 Iomraidhean Croise

2 SAMUEL 6:5

David tüsho Israel yamkhün alalanü arü sühmüh alalanü khün thsüde, bingkhung, bingshang, züpzüppü, akingbe tüsho larüp shuhbah A TUN GPU H müngüh tsün.

1 KIULONG THSÜRÜ 10:12

Kiulongthsüpuhnü almugnü Atungpuh yam tüsho kiulongthsüpuh yam duhlobe, tüsho khün thsürü thsungkheaknü bingkhungbo tüsho bingshangbo thsü; khihni khiungde hadürü almug sang marü yungsho müngülo.)

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 15:19

Khün thsürübo Heman, Asaph, tüsho Ethan arünü müwayinchi larüpbo king;

1 KIUTHSÜYUKHEAN 15:22

Levirü khün thobuh Kenanianü khün tho, tümüde api ju khün thsüsorü lakheah.

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

2 KIUTHSÜYUKHEAN 20:28

Arünü bingshang le bingkhung tüsho hulipungpungbo shuhbah Jirusalem ching Atungpuh yam lim arü.

2 KIUTHSÜYUKHEAN 23:13

tüsho küyimki alibenü akheahkhea, kiulongthsüpuh ju ayüzahpung anihbuh dungjing ki zhip, tüsho wühkenorübo le hulipungpung khungrü kiulongthsüpuh rheang ki zhip, tüsho lomi mihtsürü alalanü asühachih tüsho hulipungpungbo müt, tüsho khün thsürübonü arü khün-khungbebo shuhbah münchi bede ngü. Athalianü anihbe khimmih thorüp, tüsho zhi, “Mülapmüjido! Mülapmüjido!”

2 KIUTHSÜYUKHEAN 29:13

tüsho Elizathan tsührübo, Shimri tüsho Jeuel; tüsho Asaph tsührübo, Zekaria tüsho Mattania;

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

NEHEMIA 11:17

Asaph kheaknü atrükkhitkhi, Zabdi tsührü Mika tsührü Mattania. Apinü arüngyam khün thsürü boto makshe-tamkhüntamnü khün thsükhi ching be. Mattania rungbuh ju Bakbukia. Jeduthun kheaknü atrükkhitkhi Galal tsührü Shammua tsührü Abda.

NEHEMIA 12:24

Hashabia, Sherebia, tüsho Kadmiel tsührü Jeshua pürünü arü keoniorü lung nungbah Thrünpuh mihtsürü, kiulongthsüpuh Davidnü thsangdankhi yande, bo mahnenü aloachihde Thrünpuh mung shi.

NEHEMIA 12:46

Kiulongthsüpuh David tüsho adüso khün thsübuh Asaph kim chingnü, khün thsürübonü Thrünpuh ki makshe jihde mungshikhi rhimo thsü.

MUNGSHIKHÜN 68:25

Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

EFISIA 5:19

Mungshikhünbo, khünbo, tüsho Me khünbo chingnü khülangnü khülang ki thaachihang. Nüsa mulong athrünkhinü Atungpuh ki khün thsang; tüsho khün khungang,

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.