1 KIUTHSÜYUKHEAN 24:5 - AMÜSÜH HÜM CL Bible (BSI)

⁵ Arünü azan thsüde arübo alala rukhühnü chamnak, tümüde ju ching arüngyam atorübo tüsho Thrünpuh yo atorübo Eleazar tüsho Ithamar tsührübo ane chido bolung ching lakheah.

1 KIUTHSÜYUKHEAN 24:5 Iomraidhean Croise

1 KIUTHSÜYUKHEAN 24:31

Harü she Aron tsühsoniuso arü buhtsührünü arhimokhi nangde, kiulongthsüpuh David, Zadok, Ahimelek, amükeamrübo yamkhün tsühsoniuso akubo tüsho Levirübo azorü tüsho keoniorü akheambuh mikinü azan thsü.

1 KIUTHSÜYUKHEAN 24:4

Tümütüsho limberübo ju Ithamar tsührübo kheaknü alü thsüde Eleazar tsührü bolung ngü, arünü Eleazar tsührü yamkhün jipürü aku 16 tüsho Ithamar tsührü 8 bukkhüp chamnakjih.

1 KIUTHSÜYUKHEAN 25:8

Tüsho arünü arü rhimo thsungkheak, anini tüsho ato, thsangyurü tüsho azürü yangyukhühnü azan thsü.

1 KIUTHSÜYUKHEAN 26:13

tüsho arünü arü ripitbo thsungkheak anini tüsho ato chido, jipürü yamkhün ayannü azan thsü.

1 KIUTHSÜYUKHEAN 9:11

tüsho Thrünpuh yam atorü Ahitub tsührü, Meraioth tsührü, Zadok tsührü, Meshullam tsührü, Hilkia tsührü Azaria;

2 KIUTHSÜYUKHEAN 35:8

Api yo atorübonü mulongsahde mihtsürübo, amükeamrübo, tüsho Levirü kilim arung jih. Hilkia, Zekaria, tüsho Thrünpuh yam atobuh Jehielnü phungho-thünio kingaün thsungkheak amükeamrübo kilim namfimihnunu le mihnu nunu 2600 tüsho moshi 300 jih.

NEHEMIA 11:11

Meshullam tsührü Hilkia tsührü Seraia, api jipürü püpürü Zadok, Meraioth, tüsho Ahitub ju Thrünpuh yam ching yakzanshuhrü lakheah.

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

JONA 1:7

Sangkung berübonü khülangnü khülang ki thaachih, “Arang, isanü azan thsanü, junangde she dünkheaknü ha thsümütsü isa kheak arüa lanü isanü amükheahbah.” Jumonü arünü azan thsü, tüsho azan ju Jona kheak akhiuk.

MATHI 26:3

Judüki amükeam putungrübo, athrütrübo tüsho mihtsürübo kurung azothsürübo Kaifa de ajikhi achangbe amükeamrü yam ching mukhung,

MATHI 27:1

Yapsu mükikde, amükeam putungrü tüsho azothsürü alalanü Jisu sheshihpü lümkhi khikzhak.

YUNIRÜBO RHIMO 1:26

Arünü azan thsü, tüsho azan ju Mathia kheak akhiuk. Tüsho api ju amüsühthsangyurü thürükheak khülang lung kheyuk.

YUNIRÜBO RHIMO 4:1

Anenü mihtsürübo ki thade alachoki, amükeamrübo le arüngyam wühkenorü tüsho Sadukirübo Peter tüsho Johan kilim atu.

YUNIRÜBO RHIMO 4:6

ju lung achangbe amükeambuh Anna le Kaifa tüsho Johan le Alexander, tüsho achangbe amükeamrü yamkhün chingnü alala bekheah.

YUNIRÜBO RHIMO 5:24

Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah.

JIHUSUA 18:10

Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.