1 KIUTHSÜYUKHEAN 23:4 - AMÜSÜH HÜM CL Bible (BSI)

⁴ Davidnü tha, “ha chingnü, 24,000nü Atungpuh arüngyam rhimokhi kheahbah tüsho 6000nü atorübo tüsho mahkhaprübo thsübah,

1 KIUTHSÜYUKHEAN 23:4 Iomraidhean Croise

1 KIUTHSÜYUKHEAN 6:48

tüsho arü keoniorü Levirübo Atungpuh yam kingaün sadam mukhungmüdan alala thsungkheaknü mokhit.

2 KIUTHSÜYUKHEAN 19:8

Kheaküshe Jehoshaphatnü Atungpuh thsungkheak mahkhapshihpü tüsho neamneamruru mütsanmükhishihpü, Jirusalem ching Levirü le amükeamrübo tüsho Israel guk ching akubo khürü zojih. Tüsho arübo Jirusalem ching lakheah.

2 KIUTHSÜYUKHEAN 23:18

Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 34:13

hahmülang hanrü kurungkheak lakheah tüsho tankih rhimorhiyi alala ching rhimorübo ki khuhlanga jih; tüsho Levirü khürü a athrütrü, atorübo, tüsho ripit neakrübo lakheah.

NEHEMIA 11:22

Levirü rhuakheahrü Jirusalem ching labuh ju Hashabia tsührü Bani tsührü Uzzi. Api jipürü Mattania tüsho Mika, tüsho api mukhungmüdan khün ching mulong jihrü Asaph guk chingnü ah.

NEHEMIA 11:9

Zikri tsührü Joel nü arü limberü thsü tüsho Hassenua tsührü Juda kiuto kurungkheak mahnepü azothsürü thsü.

EZEKIEL 44:24

Atsangachihkhi ching arünü mahkhaprü nangde arhimobah, tüsho I mahkhapkhi yande arünü khapzhakbah. Akhukhitkhi I yo thüniobo dünkheak arünü I yakzanbo tüsho I yuzüngbo alala zobah, tüsho arünü I yo amunibo müsühde azobah.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.