1 KIUTHSÜYUKHEAN 23:13 - AMÜSÜH HÜM CL Bible (BSI)

¹³ Amram tsührübo: Aron tüsho Mosa. Aron a khide amüsüh kukruk thsungkheak bemuwuh-a zo, junangde api tüsho atsührübonü lünnü Atungpuh miki kingaünbah, tüsho api ki tankihbah tüsho lünnü api mung ching müngühmühi thabah;

1 KIUTHSÜYUKHEAN 23:13 Iomraidhean Croise

1 KIUTHSÜYUKHEAN 23:12

Kohath tsührü 4: Amram, Izhar, Hebron tüsho Uzziel.

1 KIUTHSÜYUKHEAN 6:3

Amram tsührübo: Aron, Mosa, tüsho Miriam. Aron tsührübo: Nadab, Abihu, Eleazar, tüsho Ithamar.

1 KIUTHSÜYUKHEAN 6:34

Elkana tsührü, Jeroham tsührü, Eliel tsührü, Toa tsührü,

MUNGSHIKHÜN 106:16

Küyimki arünü binkheampung ching Atungpuh kilim tsangkhitkhi Mosa tüsho Aron mükthsükhea,

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ABEKHIT 28:36

“Suna müthsünnü kutsünpü khülang thsang tüsho mütsanyüm kheak nangde ju kheak ha thrütkihang: ATUNGPUH KILI M A MÜSÜH .

ABEKHIT 29:44

Jumonü inü ashorupung khimyam le kingaün sadam müsühkhitbah tüsho Aron le api tsührübo I tankihpü amükeamrübo thsüpü müsühkhitbah.

ABEKHIT 6:20

Amramnü abuh niurü Jokebed aniube thsüpü lu; tüsho alibenü api kilim Aron le Mosa zübejih. Amram kutsüp kam 137 lakheah.

LEVI 10:10

Nünü amüsüh tüsho amümüsüh dükeak, tüsho amüsühkhitkhi tüsho mümüsühkhitkhi dükeak shihcham thsübeah;

WÜHKHE 18:1

Atungpuhnü Aron ki tha, “Nü, nü tsührübo tüsho nüsa buhtsührünü arüngyam azhihdewusukhi zhipdode hahmülang lubah, tüshe nü le nü tsührübonü lang amükeamrü azhihde-wusukhi hahmülang lubah.

WÜHKHE 26:59

Amram niube ju Levirü tsührü Ijip chingnü azübekhi, Jokebed; tüsho anihbenü Amram kilim Aron, Mosa tüsho Miriam zübejih.

WÜHKHE 3:27

Kohath kheaknü Aramrü, Izharrü, Hebronrü, tüsho Uzzielrü gukbo arü; harübo ha Kohath gukbo.

LUKNÜ ATHRÜTKHI THIYUSHEAK-ATSÜ HUHTANYU 1:9

amükeamrü jipüyakli yande, Atungpuh arüngyam ching yübah jinjinlak takde kingaünpü api azankhit.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

YUZÜNGTHALO 21:5

Judüki Levi tsührü amükeamrübo ju phünide arübah, tümüde Atungpuh nüsa Thrünpuhnü api tankihshihpü tüsho Atungpuh mung ching müngühshihpü arü mokhit; arü yu hode neamneamruru tüsho laksahachihkhi dünkheakbo khikzhakbah.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

AMIKHEAKAKHIUKKHI 8:3

Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.