1 KIUTHSÜYUKHEAN 22:9 - AMÜSÜH HÜM CL Bible (BSI)

⁹ Kheahang, tsührü khülang nü kilim zübejihbah; api mungtsü mihtsürü labah. Inü thrip abande api riribo kheaknü api kilim mungtsü jihbah; tümüde api mung Solomon labah, tüsho inü api nimungbo ching Israel kilim mungtsü tüsho keamram jihbah.

1 KIUTHSÜYUKHEAN 22:9 Iomraidhean Croise

1 KIULONG THSÜRÜ 1:13

Khülang ki kiulongthsüpuh David ki yübah thaang, ‘I tungpuh kiulongthsüpuh, nü tsührü Solomonnü kiulongthsürü thsülobah tüsho api I kiulongthsü-binkiu kheak binbah de nünü mütha de? Dale küde thsah Adonija kiulongthsürü kamkhea?’

1 KIULONG THSÜRÜ 2:15

Apinü tha, “Kiulongthsü I yo ah tüsho Israel alalanü I kiulongthsüpü mürheangkheah de nünü mükheahlah; tahle, kiulongthsü ju müthriabah tüsho I niurü yo kamabah, tümüde Atungpuh kilimnü api yo thsüa lah.

1 KIULONG THSÜRÜ 3:7

Tüsho kheakü, O Atungpuh I Thrünpuh, I azürü thsüa lalashe nünü I nü yamlarü I buh müthri kiulongthsürü kamshih; künangde yakzan shuhbanü inü mümükheah.

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

1 KIULONG THSÜRÜ 4:24

Tümüde apinü aniyüzahlim Euphra kewung alala, Tiphsa chingnü Gaza khiungde kiulongthsürübo alala kurungkheak yakzan shuh; tüsho thrip alala ching apinü mungtsü lakheah.

1 KIULONG THSÜRÜ 4:25

Solomon rhangdung lachoki Juda tüsho Israel, Dan chingnü Beersheba she khiungde nihbuh kurungasolu tüsho khubaso dungbo lade kurampung tsüde alakheah.

1 KIULONG THSÜRÜ 5:4

Tüshe kheakü Atungpuh I Thrünpuhnü thrip abande I kilim mungtsü jihdo; I riri yungsho kuhi amütsü müla.

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

1 KIUTHSÜYUKHEAN 17:11

Küyimki jipürü lung yüpü nü nimungbo khiungbanü, inü nü dunglim nü tsührü khülang asürüshihbah. Tüsho inü api kiulongthsü tankihjihbah.

1 KIUTHSÜYUKHEAN 22:18

“Atungpuh nüsa Thrünpuh nüsa lung müla de? Apinü thrip abande nüsa kilim mungtsü müjih de? Tümüde apinü lomi ching larübo I khah ching jihdo; tüsho lomi ju Atungpuh le api mihtsürü müngüh khenoa lah.

2 KIUTHSÜYUKHEAN 6:15

nü yamlarü I buh David kheak nünü alokhikhi zo. Atsütsünü, nünü nü münnü alokhi tüsho khihni nü khahnü dünjishihdo.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 72:1

O Thrünpuh, kiulongthsüpuh kilim nü mahkhapbo, tüsho kiulongthsüpuh tsührü kilim nü thiyuro-lungki jihang.

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

HAGGAI 2:9

Ha yam ashulim lakhit ju adüso kheaknü atobe labah, Wuto Atungpuhnü thachoh; tüsho ha dangpung ching inü lalim atsü jihbah, Wuto Atungpuhnü thachoh.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.