1 KIUTHSÜYUKHEAN 22:6 - AMÜSÜH HÜM CL Bible (BSI)

⁶ Judüki apinü atsührü Solomon ji tüsho Israel Thrünpuh, Atungpuh yam thsüpü api ki thiyukhüm jih.

1 KIUTHSÜYUKHEAN 22:6 Iomraidhean Croise

THRÜNTAN 12:20

Jumonü Pharaonü anihbuh thsungkheaknü api mihtsürübo ki thiyukhüm jih; tüsho arünü aniube tüsho api lakhi alala bede thiyia tsoshih.

2 SAMUEL 7:1

Kheakü küyimki kiulongthsüpuh ayam ching laabahkhea, tüsho Atungpuhnü api mühi thiriribo alala kheaknü sühakhim jihkhea,

1 KIULONG THSÜRÜ 2:1

Küyimki David ashepü nimung khiungde arükhea, apinü atsührü Solomon ki thsangdan tüsho tha:

1 KIUTHSÜYUKHEAN 17:1

Kheakü küyimki David anihbuh yam ching lakhea, Davidnü Nathan ki tha, “I a cedar yam khülang ching lah, tüshe Atungpuh tangzüng sangdan khimyam khüp lah.”

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

WÜHKHE 27:23

Tüsho Atungpuhnü thiyukhüm jihkhi nangde Mosanü Jihusua ku kheak akhah nimbah rhimo jih.

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

YUZÜNGTHALO 31:14

Atungpuhnü Mosa ki tha, “Kheahang, nü ashepü nimung khiungchoh; Jihusua jiang tüsho ashorupung khimyam ching bebah arang, junangde inü api kheak rhimo nimkihanü.” Jumonü Mosa le Jihusua anenü ashorupung khimyam ching yü.

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh: