1 KIUTHSÜYUKHEAN 22:5 - AMÜSÜH HÜM CL Bible (BSI)

⁵ Kheakü Davidnü tha, “I tsührü Solomon azürü ah tüsho mürhimoakheah, tüsho Atungpuh thsungkheak thsüpü thüyam ju khide atsüdakbe, athukhi tüsho lomi alala ching müretahkhi labeah; inü ju thsungkheak tsanglungbah.” Jumonü Davidnü api müsheyide kukrukbo hihdakde tsanglunga zojih.

1 KIUTHSÜYUKHEAN 22:5 Iomraidhean Croise

1 KIULONG THSÜRÜ 3:7

Tüsho kheakü, O Atungpuh I Thrünpuh, I azürü thsüa lalashe nünü I nü yamlarü I buh müthri kiulongthsürü kamshih; künangde yakzan shuhbanü inü mümükheah.

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

1 KIUTHSÜYUKHEAN 29:1

Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

2 KIUTHSÜYUKHEAN 13:7

tüsho amüthülünkhi amütsü mihtsürübo khürü api mükamde mukhung tüsho Solomon tsührü Rehoboam müneah, Rehoboam ju athunu tüsho müdüngying tüsho arü muthsolokhukde alakheah.

2 KIUTHSÜYUKHEAN 2:4

Inü kheakü Atungpuh I Thrünpuh mung thsungkheak thüyam khülang thsüpü lah tüsho api miki rhümthüneabe jihpü, kim aban ahuhbe yikhap zojihpü, tüsho khinu aso amunimungbo le Israel thsungkheak amüsüh-tsangkhit akhukhitkhi Atungpuh isa Thrünpuh thüniobo ching yapsu tüsho are taka kingaünbo thsungkheak api ki müsühkhitbah.

2 KIUTHSÜYUKHEAN 2:5

Inü athsüpü lakhi thüyam ju ato labah, tümüde isa Thrünpuh a püpürü thrünpuhbo kheaknü atobe ah.

2 KIUTHSÜYUKHEAN 2:8

Kheaküshe I kilim cedar sang, saipress sang tüsho algum sangthulungbo Lebanon chingnü arüshang, tümüde nü yamlarübo Lebanon sangrhütpü ching ayeanzo ah de inü mükheahlah. I yamlarübonü nü yamlarübo lung rhimobah,

2 KIUTHSÜYUKHEAN 7:21

Tüsho kheakü mungshide alakhi ha yam dünkheak mihtsürü aban hode alarünü müyinsahbah tüsho athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

EZRA 3:12

Amükeamrübo, Levirü tüsho gukbo ching azothsürü sherünü adüso arüngyam ngükheanü arünü kheakü arüngyam aso thrünmusukhi ngübah achangnü zhide trip, tüshe ju lung khürü a asühachihde zhi.

MÜCHITMUDU 4:3

Küyimki I buh tüsho I be miki I azürü nunu lakhea,

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

ISAIA 64:11

Isa yo amüsüh tüsho akheahakham arüngyam, küpü ching isa jipürünü nü mung shikhea, ju monü takabahdo, tüsho isa lopung atsübo athsümünimkhibo kamdo.

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

HAGGAI 2:3

Nüsa bolung ha yam adüso tsüdakkhi ngürü sherü aninga la? Nüsanü kheakü küde kheahcho? Nüsa mük ki ha tümü nangde yung de?

HAGGAI 2:9

Ha yam ashulim lakhit ju adüso kheaknü atobe labah, Wuto Atungpuhnü thachoh; tüsho ha dangpung ching inü lalim atsü jihbah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 21:5

Api jingyanrü khürünü akheahakham lungbo tüsho Thrünpuh kilim müsühkhitkhi thsambahbonü arüngyam thsükhi dünkheak thade alakheah. Tüshe Jisunü tha,

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 3:30

Api ato kambah, tüshe I a aninibe kambah.”

JOHAN 9:4

Nimung lachoki I thiyibuh rhimobo inü arhimobeah; shenü she mürhimokhukpü thsüde azhing arüchoh.