1 KIUTHSÜYUKHEAN 22:16 - AMÜSÜH HÜM CL Bible (BSI)

¹⁶ suna, shotoyinchi, müwayinchi, tüsho yinchi thsungkheak lah. Kheakü rhimo tankihang, tüsho Atungpuh nü lung lashang.”

1 KIUTHSÜYUKHEAN 22:16 Iomraidhean Croise

1 KIULONG THSÜRÜ 2:2

“I alomi alala yüpung limro yüpü khiungmuroh. Reangzahang, mulong toang,

1 KIULONG THSÜRÜ 7:47

Solomonnü kukruk alala madünde zo, tümütüsho jurübo ahihdo lakheah; müwayinchi adünkhi ju mümütsande alakheah.

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

1 KIUTHSÜYUKHEAN 22:14

Khide küpkhukde Atungpuh yam thsungkheak inü suna khahngak chithürü 3400, shotoyinchi khahngak chithürü 34,000, tüsho müwayinchi le yinchi madünbinde jihdo, tümüde ju hihdakde lah; sangrhütkhi tüsho lung she inü jihdo. Ha ching nünü yimajakbeah.

1 KIUTHSÜYUKHEAN 22:15

Nü lung rhimorü suhdahde lah: lungkheanrü, lungzünrü, sangrhimosorü, tüsho mükhekhamkhi mungji alala kizükidorü, rhimopü ching athsüso

1 KIUTHSÜYUKHEAN 22:3

Kheaküshe Davidnü yinchi ahihdo ripitbo thsungkheak müzam-nini, atholobe yinchi, tüsho müwayinchi she madünbinde jih,

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

1 KIUTHSÜYUKHEAN 29:2

Jumonü inü I Thrünpuh yam thsungkheak jihdo, inü akukkhi thülün, suna kukrukbo thsungkheak suna, shotoyinchi kukrukbo thsungkheak shotoyinchi, tüsho müwayinchi kukrukbo thsungkheak müwayinchi, yinchi kukrukbo thsungkheak yinchi, tüsho sang kukrukbo thsungkheak sang, ju lung shihshihlung ahihdo tüsho akhimbe lungbo, athrathra lung, amujukhi lungbo, shotolungbo mungji alala, tüsho suhdahkhi lungbo.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

FILIPI 4:13

I sühmüh jihbuh hode inü lüpdükhi thsükhuklah.

JIHUSUA 1:2

“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 7:10

Atungpuhnü Jihusua ki tha, “ Asürang! Tümüde nü miro alo ching khurambah yabla?

MAHKHAPRÜ 4:14

Judüki Deboranü Barak ki tha, “ Asürang, tümüde khihni Atungpuhnü Sisera nü khah ching jihdo. Atungpuh nü müngüh müyü de?” Jumonü Baraknü mihtsürü 10,000 api lung yande Tabor müzüng kheaknü aki.

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”

1 SAMUEL 20:13

Tüshe I buhnü thsümünimpü lümsho, tüsho inü nü ki thaa muhuhde nü thiyia tsoshihbah tsüde tsokhisho, Atungpuhnü Jonathan kheak alübe she rhimoshang. I buh lung lakhi nangde, Atungpuh nü lung lashang.