1 KIUTHSÜYUKHEAN 21:8 - AMÜSÜH HÜM CL Bible (BSI)

⁸ Davidnü Thrünpuh ki tha, “Inü ha rhimokhinü tode neak yihbeakdo. Tüshe kheakü, inü nü ki tamkhüntamnüchoh, nü yamlarü mülimkhi lude tsoang; tümüde inü khide makhade rhimodo.”

1 KIUTHSÜYUKHEAN 21:8 Iomraidhean Croise

THRÜNTAN 34:7

Tüsho Jakob tsührübonü ju sobah thulu chingnü alung; tüsho mihtsürübo khide mulong mütsüde la tüsho khide bukakhiuk, tümütüsho apinü Israel ching amürhimobe Jakob tsührübe thsümünimkhi hode mungchih rhimo.

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 13:13

I thsungkheaknü, I achihkhi tümü ching hanpü? Tüsho nü thsungkheak, nü ju Israel ching mihbukmuyuk rhimokhi labah. Kheakü jumonü kiulongthsüpuh ki keoang de inü nü ki mushuchoh; tümüde apinü I nü kheaknü mutholo.”

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

1 KIUTHSÜYUKHEAN 21:7

Tüshe hadürü ching Thrünpuhnü masühde alakheah, tüsho apinü Israel shik.

2 KIUTHSÜYUKHEAN 10:9

Apinü arü ki tha, “Nü buhnü isa kheak hahmülang yihkihjihkhi hiphipde kamshang de I ki tharü ha mihtsürübo ki isanü alopü thsüde nüsanü I ki tümü athsunganahba?”

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 SAMUEL 13:13

Samuelnü Saul ki tha, “Nünü bünkeangbünrude rhimodo; apinü nü kilim thiyukhüm jihkhi Atungpuh nü Thrünpuh yukhüm nünü manidebahdo. Atungpuhnü nü kiulongthsü Israel kurungkheak lünnü alashihpü thsükheah,

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”