1 KIUTHSÜYUKHEAN 21:7 - AMÜSÜH HÜM CL Bible (BSI)

⁷ Tüshe hadürü ching Thrünpuhnü masühde alakheah, tüsho apinü Israel shik.

1 KIUTHSÜYUKHEAN 21:7 Iomraidhean Croise

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

2 SAMUEL 21:14

Arünü Saul tüsho atsührü Jonathan robo ju Zela ching lakhi Benjamin lo ching, abuh Kish mibahpung ching kiuyukabah; kiulongthsüpuhnü thiyukhüm jihkhi alala arünü rhimo. Jushu, lomi thsungkheak tamkhüntamnükhi Thrünpuhnü sojih.

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

1 KIULONG THSÜRÜ 15:5

tümütüsho tümü Atungpuh miki alungkianü Davidnü rhimo, tüsho Hitbuh Uria dünkheak hode, apinü anihbuh kilim thiyukhüm jihkhi tümü ching lang she api rhangdung amuyung rholode mutso.

1 KIUTHSÜYUKHEAN 21:14

Jumonü Atungpuhnü Israel kheak tukthsü khülang yüshih; tüsho Israel ching mihtsürü 70,000 keamabah.

1 KIUTHSÜYUKHEAN 21:6

Tüshe apinü akhekhi ching Levi tüsho Benjamin müthsüru, tümüde kiulongthsüpuh yukhümnü Joab kilim mümülü.

1 KIUTHSÜYUKHEAN 21:8

Davidnü Thrünpuh ki tha, “Inü ha rhimokhinü tode neak yihbeakdo. Tüshe kheakü, inü nü ki tamkhüntamnüchoh, nü yamlarü mülimkhi lude tsoang; tümüde inü khide makhade rhimodo.”

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:13

Asürang! Mihtsürübo tsangkhitang tüsho I kilim bedarüpü thsakhamang. Arü ki shido arüpü thaang, tümütüsho I, Atungpuh Israel Thrünpuhnü athapü ha lah: O Israel, thsümünima bahpü inü thiyukhüm jihkhi kukruk khürü nüsa bolung lah, jurübo kukruk nüsanü yihkhita mübahyikia nüsanü nüsa riri müngüh müzhipkhuk.

JIHUSUA 7:5

Airünü arübo kiuto chipimurung chingnü lungdang Shebarim khiungde yan tüsho adüpheak kheaknü 36 bande laksah. Jushu Israelrübo mulong niukthünakde ke kamabah.