1 KIUTHSÜYUKHEAN 21:24 - AMÜSÜH HÜM CL Bible (BSI)

²⁴ Tüshe kiulongthsüpuh Davidnü Arauna ki tha, “Yung, inü jurübo adün khiukde jihbah athulobah. I ki amo mulude Atungpuh thsungkheak nü yo, yungsho taka kingaünbe mulu.”

1 KIUTHSÜYUKHEAN 21:24 Iomraidhean Croise

THRÜNTAN 14:23

junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah.

THRÜNTAN 23:13

tüsho arünü sode Ephron ki tha, “Nünü ajihpü lasho, muzhobah I ki aniang. Inü thulu thsungkheak nü kilim sho jihbah; I kilimnü ju luang tüsho inü I yo ashemi ju ching kiuyuka bahbah.”

THRÜNTAN 23:9

junangde apinü anihbuh lu akheam kheak lakhi Makpela lungkhün I ki yinjihbah. Nüsa bolung mibahpung thsüpü thsüde I ki adün khiukde ayinjihpü keojang.”

2 SAMUEL 24:24

Tüshe kiulongthsüpuhnü Arauna ki tha, “Yung, tüshe inü jurü adün jihbah nü kheaknü athulobah; adün tümü müjihde inü Atungpuh I Thrünpuh ki taka mükingaün.” Jumonü Davidnü hinitpung tüsho moshipung ju shotoyinchi 50nü thulo.

1 KIUTHSÜYUKHEAN 21:23

Judüki Araunanü David ki tha, “Luang; tüsho I tungpuh kiulongthsüpuhnü api tsükhi rhimoang; kheahang, taka kingaünpü inü moshipung tüsho rhimopung khimkhi atakbe-sang thsüpü, tüsho hi kingaünpü wheat hi, inü ha alala jihchoh.”

1 KIUTHSÜYUKHEAN 21:25

Jumonü Davidnü suna shonakbo 600 adünbah alopung thsungkheaknü Arauna kilim jih.

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.