1 KIUTHSÜYUKHEAN 21:22 - AMÜSÜH HÜM CL Bible (BSI)

²² Davidnü Arauna ki tha, “I kilim hinitpung lopung jihang, junangde inü ju kheak Atungpuh kilim kingaün sadam khülang thsüanü–ju I kilim adün mokhi chingnü jihang– junangde arüm ju mihtsürübo kheaknü atuklobah.”

1 KIUTHSÜYUKHEAN 21:22 Iomraidhean Croise

THRÜNTAN 23:9

junangde apinü anihbuh lu akheam kheak lakhi Makpela lungkhün I ki yinjihbah. Nüsa bolung mibahpung thsüpü thsüde I ki adün khiukde ayinjihpü keojang.”

THRÜNTAN 50:10

Küyimki arübo Jordan hobah Atad rhimopung ching arükhea, arünü khide tode mulong rozhakde tüzho. Josepnü nimung thüne abuh tüzho.

2 SAMUEL 24:21

Araunanü tha, “I tungpuh kiulongthsüpuh tümüde api yamlarü kilim arükhea?” Davidnü tha, “Atungpuh kilim kingaün sadam khülang thsüpü nü kheaknü hinitpung thulopü ah, junangde arüm ju mihtsürübo kheaknü atuklobah.”

1 KIULONG THSÜRÜ 21:2

Tüsho Ahabnü Naboth ki tha, “Nü yo kurungasolu I kilim jihang, junangde inü wotsühwora shahwün thsanü, tümütüsho ha I yam phünide lah; ju thsungkheak inü nü kilim kurungasolu atsübe jihanü; yungsho, nünü tsülah de lümsho, inü ju dün nü kilim sho jihanü.”

1 KIUTHSÜYUKHEAN 21:21

David ju Arauna kilim arübah Araunanü kheah tüsho David ngü; apinü hinitpung chingnü wukhiuk, tüsho api miro alo lim mükhümde David kheak akin jih.

1 KIUTHSÜYUKHEAN 21:23

Judüki Araunanü David ki tha, “Luang; tüsho I tungpuh kiulongthsüpuhnü api tsükhi rhimoang; kheahang, taka kingaünpü inü moshipung tüsho rhimopung khimkhi atakbe-sang thsüpü, tüsho hi kingaünpü wheat hi, inü ha alala jihchoh.”

WÜHKHE 16:48

tüsho apinü asherü le arhang larü dükeak zhip; jumonü arüm ju tukloabah.

WÜHKHE 25:8

tüsho apinü Israelbuh dunglim yande khimyam ching yü tüsho alibe ane chido chinkhitde khean. Junangde arüm ju Israel mihtsürü bolungnü tukloabah.