1 KIUTHSÜYUKHEAN 21:16 - AMÜSÜH HÜM CL Bible (BSI)

¹⁶ Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

1 KIUTHSÜYUKHEAN 21:16 Iomraidhean Croise

THRÜNTAN 3:24

Junangde apinü mihtsürü ju yankhitabah; tüsho apinü rhangdung limro aheangshihpü Eden shahwün aniakhiuklim cherubim tüsho azhingzhing nukshang khülang khülim khülim phürapde zo.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

2 KIULONG THSÜRÜ 6:17

Judüki Elishanü tamkhüntamnü: “O A TUN GPU H , muzhobah apinü angüpü thsüde amükbo khimshuhjang.” Jumonü Atungpuhnü yamlabuh mükbo khimshuhjih tüsho apinü ngü; khorabo tüsho khora-lolungbebonü Elisha zündomükamde awung mia lakheah.

EZEKIEL 30:25

Inü Babilon kiulongthsüpuh bin düküngshihbah, tüshe Pharao binbo keambah. Inü Babilon kiulongthsüpuh khah ching I nukshang yukjihchoki, I Atungpuh de arünü mükheahbah. Apinü Ijip lomi azhihde ju shuhkihbah,

EZEKIEL 9:8

Küyimki arünü laksahde alakhea tüsho I langzü lakhea, I miro mükhümbah zhi, “Ah, Wuto A TU N GPU H ! Jirusalem kheak nü bukakhiuk dungkihkhi ching Israel aningkhi abümnü nünü alaksahkhamba de?”

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 22:23

Kheakü donkinü A TUN GPU H yunirü akhah ching nukshang shuhbah limro ching zhipde ngü, tüsho donkinü limro ching rholobahle thulu limpeang yü. Jumonü Balaamnü donki ju limro lim rholode arüshihpü rhap.

WÜHKHE 22:31

Judüki Atungpuhnü Balaam mük khimshuhjih, tüsho apinü Atungpuh yunirü akhah ching nukshang limro ching shuhbah zhipde ngü; tüsho apinü amiro koyubah khukninga yap.

MAHKHAPRÜ 13:20

Kingaün sadam kheaknü motru thüning lim yükihchoki, Atungpuh yunirü kingaün sadam motru ching aki. Küyimki Manoa tüsho aniubenü ha ngükhea, anenü ane miro alo lim mükhüm.