1 KIUTHSÜYUKHEAN 21:13 - AMÜSÜH HÜM CL Bible (BSI)

¹³ Judüki Davidnü Gad ki tha, “I lümthsünü ato ching lah; I Atungpuh khah ching keamshang, tümüde api amüthsüm khide tolah; tüshe I mihtsürü khah ching mükeamnü.”

1 KIUTHSÜYUKHEAN 21:13 Iomraidhean Croise

2 KIULONG THSÜRÜ 6:15

Küyimki Thrünpuh mihtsürü yapsu mükikde asürübah awukhiukkhea, khorabo tüsho khora-lolungbe bebah bonungrübonü kiuto alala zündoa lakheah. Api yamlabuhnü tha, “Aha, aputungpuh! Isa küde athsüba?”

2 KIULONG THSÜRÜ 7:4

Mürangkhüh isanü, kiuto ching yüzahanü de thasho, kiuto ching khümzung lah, tüsho isa ju ching shebah; tüshe isa ha kheak binsho she isa ashebah. Jumonü, isanü Siriarü binkheampung ching yüanü; arünü isa rhangdung aningshihsho, isa rhangdung labah; tüsho arünü isa laksahsho, isa ashebah.”

2 KIUTHSÜYUKHEAN 28:9

Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

ESTER 4:11

“Athrürü yungsho aliberü, khürükhüh müjide kiulongthsüpuh yamlung lim yüzahsho ju mihtsürü ashepü tsütsü. Ju thiyukhüm ah; kiulongthsüpuh ki lümlung-jihrübo tüsho lomi mihtsürübonü mükheahlah. Ha yakzan hode atsokhitpü limro ju: Küyimki kiulongthsüpuhnü khürü ki shoto tso shuhkihbanü akhümkhitbah tüshe nimung samrü bande kiulongthsüpuhnü I müji.”

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

MUNGSHIKHÜN 119:156

Nü amüthsümbo ju ato ah, O Atungpuh ; nü mahkhapkhibo yande I thsüphulojang.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 130:7

O Israel, Atungpuh kheak mulonglamang; tümüde Atungpuh lung mihmüthsüm lah. Tüsho api lung arhokhitkhi muzhomopungde lah.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MÜCHITMUDU 12:10

Thiyuro-lungki mihtsürünü anihbuh shiwüh yihnüpü lakhi kümchoh, tüshe mihbukmuyuknü amuzhodakkhi ju yihkhro ah.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

IBRI 10:31

Arhang Thrünpuh khah ching yüzahpü ju atrebe lah.