1 KIUTHSÜYUKHEAN 21:12 - AMÜSÜH HÜM CL Bible (BSI)

¹² kam mahsam khümzung a shi; yungsho nü riri nukshangnü khinu mahsam nü yanpü; yungsho Atungpuh nukshangnü nimung mahsam Atungpuh yunirünü Israel lomi alala thsümünimde arüm arüpü.’ I thiyibuh kilim tümü lulobah ayübanü kheakü alokhiang.”

1 KIUTHSÜYUKHEAN 21:12 Iomraidhean Croise

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

2 KIULONG THSÜRÜ 8:1

Kheakü Elishanü atsührü arhang kamloshihkhi azoberü ki tha, “Asürang, nü tüsho nü yamkhün yüang, tüsho nünü küching lakhukbanü ju ching laang; tümüde Atungpuhnü khümzung jido, tüsho ju lomi ching kam thüne arübah.”

1 KIUTHSÜYUKHEAN 21:11

Jumonü Gadnü David kilim arü tüsho api ki tha, “Atungpuhnü ha thachoh, ‘Nünü mokhitang:

MUNGSHIKHÜN 91:6

yungsho amiting ching lakhi arüm, yungsho animuro laksahbe athsümünim müla.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

JEREMIA 12:12

Loshelo ching awung achangbo alala kheak athsümünimrü arüdo; tümüde Atungpuh nukshangnü alomi akheamnü thripkhüh khiungde muyuchoh; sheshe akhimahe ching müla.

JEREMIA 42:16

dale nüsanü atrekhi nukshangnü Ijip lomi ching nüsa yanphuhbah; tüsho nüsanü atrekhi khümzungnü Ijip ching nüsa dunglim yankihbah; tüsho ju ching nüsa shebah.

JEREMIA 47:6

Ah, Atungpuh nukshang! Nü sühakhim müla khiungde külokhüh laba? Nüsa nuktrüp ching yukloang, tukloang tüsho sühakhimang!

TÜZHOKHI 4:9

Nukshangnü alaksahrü ju akhümnü asherü kheaknü khatsübe lakheah, akhümkhinü rungkheamabah, arübo thulu ching tsühyungpü mülakhinü mukuhsah.

LEVI 26:10

Nüsanü shangde azokhi hi wün tsühbah tüsho hi aso yukpü thsungkheaknü wukhita bahbah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LUKNÜ ATHRÜTKHI THIYUSHEAK-ATSÜ HUHTANYU 4:25

Tüshe thiyuronü, inü nüsa ki thachoh, kam mahsam kheak khinu thuruk thüning khimdobah alomi alala ching khümzung arükhi Elija nimungbo ching Israel ching khimoberü ahihkhüh lakheah;

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:22

Nüsa müsheshihyi khiungde Atungpuhnü nüsa kheak ashepü tukthsü, phütsak tüsho abümpü, alamlam tüsho thsühnuk, mümüpü tüsho mokri arüshihbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:27

Ijip ching lakhi phanjakkhuh, mü, müshak rangrangrurubo chingnü müthsüngukhukpü thsüde Atungpuhnü nüsa kheak thsümüchibah.

YUZÜNGTHALO 28:35

Müthsüngukhukpü thsüde nü mukhukmuruk tüsho nü jingbo kheak akin mütsüdakde Atungpuhnü , nü jinglung chingnü thangphülang khiungde akhiukshihbah.