1 KIUTHSÜYUKHEAN 20:1 - AMÜSÜH HÜM CL Bible (BSI)

¹ Kiulongthsürübo thirithsü yükhi kim, mumükin ching, Joabnü bonungrü bebah Amonrü lomi thsümünimjih, tüsho arübah Rabba yan. Tüshe David a Jirusalem ching lakheah. Joabnü Rabba zündo tüsho yanabah.

1 KIUTHSÜYUKHEAN 20:1 Iomraidhean Croise

2 SAMUEL 11:1

Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

2 SAMUEL 17:27

Küyimki David Mahanaim ching arükhea, Amonrü yo Rabba chingnü Nahash tsührü Shobi, Lodebar chingnü Ammiel tsührü Makir, tüsho Rogelim chingnü Gileadrü Barzillainü

1 KIULONG THSÜRÜ 20:22

Judüki Israel kiulongthsüpuh ki wukihrü arü tüsho api ki tha, “Arang, nü reangzahang, tüsho nünü tümü thsübeanü düshihde lümakheahang; tümüde mükheankim ching Siria kiulongthsüpuh nü azhihde atulobah.”

1 KIULONG THSÜRÜ 20:26

Mükheankim ching Ben-hadadnü Siriarü jimukhung tüsho Israel bede keochihpü Aphek ching wutu.

2 KIULONG THSÜRÜ 13:20

Junangde Elisha sheabah, tüsho arünü api kiuyukabah. Kheakü Moabrü khunungnü kam aban mükheankim ching lomi ching azahde la.

1 KIUTHSÜYUKHEAN 19:19

Küyimki Hadadezer yamlarübonü arübo Israelnü akukkhi ngükhea, arünü David kheak mungtsü thsü, tüsho api mihtsürü kamabah. Jumonü kheaküa Siriarünü Amonrü murungnede kamabah.

ISAIA 54:16

Kheahang, yingkingrü inü athrünkheah, shepünü mokhih yüntrucho tüsho yihnüpü thsüde thsühnuk kingkhitcho; alaksahpü thsüde athsümünimrü she inü thrün.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

EZEKIEL 21:20

Amonrü kiuto Rabba azhihde arüpü nukshang limro khülang amütsan tüsho püpü ju Juda tüsho chipi ayünkhi Jirusalem azhihde thsang.

EZEKIEL 25:5

Inü Rabba ju kemelbo yimtsühpung tüsho Amon ju mihnu boto zopung kamshihbah. Judüki nüsanü I Atungpuh de mükheahbah.

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)