1 KIUTHSÜYUKHEAN 18:2 - AMÜSÜH HÜM CL Bible (BSI)

² Apinü Moab kuk, tüsho Moabrü David mihtsürü kambah ruk handarü.

1 KIUTHSÜYUKHEAN 18:2 Iomraidhean Croise

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

1 KIULONG THSÜRÜ 10:2

Alibenü maba-thsürü ahihdo lung mungji aphuaphu hankhi kemelbo, suna ahihdo, tüsho amo-achak lungbo hanbah Jirusalem lim arü; tüsho küyimki alibe ju Solomon ki arükhea, alibenü alüm ching lakhi alala api ki tha.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIUTHSÜYUKHEAN 18:1

Kim anükhüh dunglim, Davidnü Filistiarü yan tüsho arü kuk; apinü Gath tüsho ju kiulongbo Filistiarü kheaknü lu.

1 KIUTHSÜYUKHEAN 18:3

Kheaküshe Davidnü Hamath lim lakhi, Zoba kiulongthsüpuh Hadadezer, Euphra ayung ching mümih-lung khimpü yüchoki yankhit.

MUNGSHIKHÜN 60:8

Moab I müsühmüra-phuru; Edom kheak I jingkhümpü bahchoh; Filistia kurungkheak inü akuk ngüde ahochoh.”

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 16:1

Lomi ching yakzanshuhrü kilim namfimihnunubo, Sela chingnü loshelo limro hode, Zion tsührübe wung lim yüshihchoh.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.