1 KIUTHSÜYUKHEAN 18:14 - AMÜSÜH HÜM CL Bible (BSI)

¹⁴ Jumonü Davidnü Israel kurungkheak kiulongthsü; tüsho apinü anihbuh mihtsürü alala ki thiyuro tüsho alungki rhimo.

1 KIUTHSÜYUKHEAN 18:14 Iomraidhean Croise

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

1 KIUTHSÜYUKHEAN 12:38

Harü alala, thirithsürübonü shihkhin thsübah lümkhi alalanü Israel alala kurungkheak David kiulongthsürü kamshihpü Hebron ching arü; junangde aningkhi Israel alalanü David kiulongthsürü kamshihpü lümkhi khülang thsü.

1 KIUTHSÜYUKHEAN 18:13

Apinü Edom ching bonungrü binpung thsü; tüsho Edomrü alala David mihtsürü kam. Tüsho api yüpung alala ching Atungpuhnü David kilim akuk ngüshih.

1 KIUTHSÜYUKHEAN 18:15

Zeruia tsührü Joab ju bonungrü kurungkheak lakheah; Ahilud tsührü Jehoshaphat athrütyukrü lakheah;

1 KIUTHSÜYUKHEAN 29:26

Hanangde Jesse tsührü Davidnü Israel alala kurungkheak kiulongthsü.

MUNGSHIKHÜN 72:1

O Thrünpuh, kiulongthsüpuh kilim nü mahkhapbo, tüsho kiulongthsüpuh tsührü kilim nü thiyuro-lungki jihang.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 22:15

Cedarnü thüyambo thsümonü nü kiulongthsürü kamshihcho de? Nü buhnü atsühkhi tüsho ayungkhi yung de tüsho thiyuro tüsho thiyuro-lungki mürhimokhea de? Junangde api kheak alala tsüde alakheah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.