1 KIUTHSÜYUKHEAN 18:13 - AMÜSÜH HÜM CL Bible (BSI)

¹³ Apinü Edom ching bonungrü binpung thsü; tüsho Edomrü alala David mihtsürü kam. Tüsho api yüpung alala ching Atungpuhnü David kilim akuk ngüshih.

1 KIUTHSÜYUKHEAN 18:13 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 27:37

Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!”

THRÜNTAN 27:40

Nukshang hode nü labah tüsho nünü nü niurü tankihbah, tüshe küyimki nünü azhihde wusubanü api sangkap nü hung kheaknü ayihshakbah.”

2 SAMUEL 23:14

Judüki David a chipi ching lakheah; tüsho Filistiarü boto Bethlehem ching lakheah.

1 KIULONG THSÜRÜ 11:15

Küyimki David ju Edom ching lakhea tüsho bonungrü limthobuh Joab asherü kiuyuka bahpü wutukhea, apinü Edom ching athrürü alala laksah.

1 KIUTHSÜYUKHEAN 18:12

Zeruia tsührü Abishainü Edomrü 18,000 thimi jindükhün chingnü laksah.

1 KIUTHSÜYUKHEAN 18:14

Jumonü Davidnü Israel kurungkheak kiulongthsü; tüsho apinü anihbuh mihtsürü alala ki thiyuro tüsho alungki rhimo.

1 KIUTHSÜYUKHEAN 18:6

Judüki Davidnü Damaska ching lakhi Siria ching bonungrü binpung thsüjih; tüsho Siriarü ju David mihtsürü kamabah, tüsho ruk handarü. Api yüpungbo ching Atungpuhnü David kilim akuk ngüshih.

MUNGSHIKHÜN 121:7

Atungpuhnü amütsü alala chingnü nü küma lashihbah; apinü nü me küma lashihbah.

MUNGSHIKHÜN 144:10

shepünü kiulongthsürübo kilim akuk ngüshihcho, shepünü api yamlarü David bekhit.

WÜHKHE 24:18

Edom kheak kukbah; api riri Seir kukbah, tüshe Israel a düküngde alabah.

2 KORINT 11:32

Damaska ching, kiulongthsüpuh Areta bukkhüp lakhi kovünornü I rampü lümde kiuto chipiripitbo ching aheangrübo zojih,

1 SAMUEL 10:5

Ju dunglim nü Filistiarü binkheampung Gibeath-elohim ching arübah; ju ching, nü kiuto lim arüchoki, nünü wukihrü bokhüh bingkhung, züpzüppü, khungpi, tüsho bingshang khungde kingaün sadam limnü akikhi shorubah; arübonü müchitmudude aphaparabah.

1 SAMUEL 13:3

Jonathannü Geba ching Filistia thirithsürü binpung yanabah; tüsho Filistiarünü ju so. Tüsho Saulnü lomi alala ching hulipungpung mütde tha, “Ibrirübonü soang!”

1 SAMUEL 14:1

Nimung khülang Saul tsührü Jonathannü api thsühnuk hanrü athrününgtsüngbuh ki tha, “ Arang, ike püpü thrip Filistia thirithsürü boto kilim yüanü.” Tüshe apinü abuh ki mütha.

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.