1 KIUTHSÜYUKHEAN 17:9 - AMÜSÜH HÜM CL Bible (BSI)

⁹ Tüsho inü I mihtsürü Israel thsungkheak dangpung khülang mokhitbah, tüsho arü lashihbah, junangde arünü arü nihbuh lapung ching labah, tüsho kheakü phü mümüsüp; tüsho akhuhlim rhimokhi nangde amütsü rhimorübonü kheaküa arü müjuno,

1 KIUTHSÜYUKHEAN 17:9 Iomraidhean Croise

1 KIUTHSÜYUKHEAN 17:10

I mihtsürü Israel kurungkheak inü mahkhaprübo mokhitkhi kim chingnü; tüsho inü nü riribo alala juyuka bahbah. Kheaküshe Atungpuhnü nü khilim thüyam khülang thsüjihbah de inü khipkhitchoh.

1 KIUTHSÜYUKHEAN 17:8

tüsho nü yüpungbo ching I nü lung lakheah, tüsho nü müngüh nü riri alala tukloabahshih; kheakü alomi ching lakhi mung ato nangde inü nü mung kamshihbah.

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 89:22

Thiririnü api mürükyuk, yungsho mihbukmuyuk tsührünü api müthsümüchi.

MUNGSHIKHÜN 92:13

Sherü Atungpuh yam ching khima lanü isa Thrünpuh khikzhakpung ching tsüde alabah.

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ISAIA 49:17

Nü tsührübo athride arado, tüsho sherünü thsümünima yapshihkheanü nü kheaknü tsoabahdo.

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

EZEKIEL 28:4

nü lümlung tüsho nü anikhitkhinü nü lakhit hanmukhung, tüsho suna le shotoyinchibo nü rahpung-yam ching lumukhungdo.

EZEKIEL 34:13

Inü arübo mihtsürübo kheaknü bekhitbah tüsho lomibo chingnü kitmukhungbah, tüsho arü nihbuh lomi ching bedarübah; tüsho inü arübo Israel müzüngbo kheak, keyungbo yean, tüsho mihtsürü lakhi lomi alala ching yimkipbah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

AMOS 9:15

Inü I mihtsürübo lomi kheak khimbah, tüsho inü arü kilim jihkhi lo chingnü küyimkishe arübo mürukkhitlo, Atungpuh nüsa Thrünpuhnü thachoh.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”