1 KIUTHSÜYUKHEAN 17:8 - AMÜSÜH HÜM CL Bible (BSI)

⁸ tüsho nü yüpungbo ching I nü lung lakheah, tüsho nü müngüh nü riri alala tukloabahshih; kheakü alomi ching lakhi mung ato nangde inü nü mung kamshihbah.

1 KIUTHSÜYUKHEAN 17:8 Iomraidhean Croise

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

2 SAMUEL 8:6

Judüki Damaska ching lakhi Siriarü bolung Davidnü bonungrü yambo thsü; tüsho Siriarü ju David yamlarü kam tüsho ruk hanbah arü, David yüpungbo ching Atungpuhnü akuk ngüshih.

2 SAMUEL 8:8

Hadadezer kiutobo, Beta tüsho Berothai chingnü kiulongthsüpuh Davidnü müwayinchi ahihdo lu.

1 KIUTHSÜYUKHEAN 14:17

David mungthukhi lomi alala ching yü tüsho trükshih alala kheak Thrünpuhnü api treshihpü handarü.

1 KIUTHSÜYUKHEAN 17:17

Tüshe ha nü mük ki kukruk anikhüh lakheah O Thrünpuh; nünü nü yamlarü yamkhün thsungkheak arübe kuhi she asuk. Nünü I atoashang khürü nangde khejih, O Atungpuh T HRÜNPU H .

1 KIUTHSÜYUKHEAN 17:2

Nathannü David ki tha, “Nü lüm ching lakhi alala rhimoang, tümüde Thrünpuh nü lung lah.”

1 KIUTHSÜYUKHEAN 17:7

Kheakü jumonü ha nünü I yamlarü David ki thaang: Ha Wuto Atungpuhnü thachoh: Inü nü I mihtsürü Israel kurungkheak yakzanshuhrü thsüshihpü namfimihnu yande alakhi, rimlopung chingnü bea lu;

1 KIUTHSÜYUKHEAN 17:9

Tüsho inü I mihtsürü Israel thsungkheak dangpung khülang mokhitbah, tüsho arü lashihbah, junangde arünü arü nihbuh lapung ching labah, tüsho kheakü phü mümüsüp; tüsho akhuhlim rhimokhi nangde amütsü rhimorübonü kheaküa arü müjuno,

EZRA 4:20

Jirusalem ching sühmüh larü kiulongthsürübonü aniyüzahlim Euphrarü kurungkheak ruk threa tsühde wüntre jihshihde laa lah.

MUNGSHIKHÜN 18:1

Inü nü muzholah, O Atungpuh , I sühmüh.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 71:21

Nünü I tokhi rünkihshihbah, tüsho I mulong shukheamlobah.

MUNGSHIKHÜN 75:7

Tüshe Thrünpuh ju mahkhaprü ah; apinü khülang keamshihchoh, tüsho püpürü shuhkihchoh.

LUKNÜ ATHRÜTKHI THIYUSHEAK-ATSÜ HUHTANYU 1:52

Apinü wuto ju arü kiulongthsü-binkiu kheaknü akishih, tüsho akheamkhibe shuhkih.

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 18:28

Tüshe küyimki David lung Atungpuh lah de Saulnü alümlokhea, tüsho Saul tsührü Mikalnü api muzhokhea,

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.