1 KIUTHSÜYUKHEAN 17:27 - AMÜSÜH HÜM CL Bible (BSI)

²⁷ jumonü nü yamlarü yukhüm müngühmühipü thsüde hanü nü asühshang, junangde ha nü miki lünnü alabah. Tümüde, O Atungpuh , nünü müngühjih tüsho lünnü müngühmühibah.”

1 KIUTHSÜYUKHEAN 17:27 Iomraidhean Croise

THRÜNTAN 27:33

Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.”

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

1 KIULONG THSÜRÜ 2:45

Tüshe kiulongthsüpuh Solomon a müngühmühibah, tüsho David kiulongthsü-binkiu a A TUN GPU H miki lünnü alabah.”

1 KIUTHSÜYUKHEAN 17:26

Tüsho kheakü, O Atungpuh nü Thrünpuh ah, tüsho nünü ha atsü nü yamlarü ki alokhi;

1 KIUTHSÜYUKHEAN 18:1

Kim anükhüh dunglim, Davidnü Filistiarü yan tüsho arü kuk; apinü Gath tüsho ju kiulongbo Filistiarü kheaknü lu.

1 KIUTHSÜYUKHEAN 28:4

Tütüshe Israel kurungkheak lünnü kiulongthsürü thsüpü Atungpuh Israel Thrünpuhnü isa jipürü yamkhün alala chingnü I mokhit; tümüde apinü Juda limberü mokhit, tüsho I buh Juda yamkhün ching, I buh tsührü bolung ching apinü I Israel alala kurungkheak kiulongthsürü thsüshihpü kün.

MUNGSHIKHÜN 21:6

Tümüde nünü api lünnü müngühmühi thsüjih; nünü nü bede api khitode asühde kamshih.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

WÜHKHE 23:20

Müngühjihpü yukhüm inü leangkhido; apinü müngühjihdo tüsho inü ju mümüthrikhuk.

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 15:6

Tümüde Atungpuh nüsa Thrünpuhnü thiyuchihchimkhi nangde nüsa suhdahde müngühjihbah; nüsanü trükshih ahihdo kilim nipjihbah, tüshe nüsanü nipa mulu; nüsanü trükshih ahihdo kurungkheak kiulongthsübah, tüshe arünü nüsa kurungkheak kiulong müthsü.