1 KIUTHSÜYUKHEAN 17:22 - AMÜSÜH HÜM CL Bible (BSI)

²² Tüsho nünü nü mihtsürü Israel lünnü nü mihtsürü thsüpü kamshih; tüsho O Atungpuh , nü arü Thrünpuh kam.

1 KIUTHSÜYUKHEAN 17:22 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

1 KIUTHSÜYUKHEAN 17:21

Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

1 KIUTHSÜYUKHEAN 17:23

“Tüsho kheakü, O Atungpuh , nünü nü yamlarü tüsho api yamkhün dünkheak asukkhi yu lünnü lashang, tüsho nünü alokhikhi nangde rhimoang.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 SAMUEL 12:22

Tümüde api mung ato dünkheaknü Atungpuhnü amihtsürübo mübahyuk, tümütüsho nüsabo api mihtsürü thsüpü Atungpuhnü asühdo.