1 KIUTHSÜYUKHEAN 17:21 - AMÜSÜH HÜM CL Bible (BSI)

²¹ Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

1 KIUTHSÜYUKHEAN 17:21 Iomraidhean Croise

1 KIUTHSÜYUKHEAN 17:20

Nü kiphahde she müla, O Atungpuh , tüsho isa nükhünnü asokhi alala yande, nü hobah Thrünpuh she müla.

1 KIUTHSÜYUKHEAN 17:22

Tüsho nünü nü mihtsürü Israel lünnü nü mihtsürü thsüpü kamshih; tüsho O Atungpuh , nü arü Thrünpuh kam.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 107:2

Atungpuhnü rhokhitkhinü thashang, shepü apinü thiriri khah chingnü rhokhit,

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 147:20

Apinü ha püpü trükshih ki mürhimo; tüsho api mahkhapkhibo arünü mümükheah. Atungpuh shiang!

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 77:15

Nünü nü binnü nü mihtsürü, Jakob tüsho Josep tsührübo rhokhit.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 48:9

I mung chingnü inü I bukakhiukkhi ashuchoh, I mungshi mung chingnü inü nü thsungkheak tuklochoh, junangde nü müdükheak.

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

ISAIA 64:3

Küyimki nünü isanü mükkin mülakhi atrebe rhimokhea, nü aki, awungbonü nü miki ajan.

JEREMIA 32:21

Nünü nü mihtsürü Israel Ijip lomi chingnü amütsanbo tüsho khinthiyinbebo, amüküp khah, tüsho atrebe atonü bekhit;

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 4:7

“Tümüde isanü Atungpuh isa Thrünpuh ki jikhi nangde, thrünpuhnü athüninkhi püpürü trükshih ato küju la?

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.