1 KIUTHSÜYUKHEAN 17:18 - AMÜSÜH HÜM CL Bible (BSI)

¹⁸ Tüsho nü yamlarü ki wüntre jihkhi thsungkheak Davidnü nü ki tümü thakhukba? Nünü nü yamlarü mükheahlah.

1 KIUTHSÜYUKHEAN 17:18 Iomraidhean Croise

1 KIUTHSÜYUKHEAN 17:17

Tüshe ha nü mük ki kukruk anikhüh lakheah O Thrünpuh; nünü nü yamlarü yamkhün thsungkheak arübe kuhi she asuk. Nünü I atoashang khürü nangde khejih, O Atungpuh T HRÜNPU H .

1 KIUTHSÜYUKHEAN 17:19

O Atungpuh , nü yamlarü dünkheaknü, tüsho nü mulongkhi yande, nünü harü ato rhimobo mükheahshihde rhimodo.

MUNGSHIKHÜN 139:1

O Atungpuh , nünü I yim tüsho I mükheahdo.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.