1 KIUTHSÜYUKHEAN 16:41 - AMÜSÜH HÜM CL Bible (BSI)

⁴¹ arü lung Heman tüsho Jeduthun, tüsho aningkhi Atungpuh kilim makshe jihshihpü mung jide mokhit, tümüde api muzho lünnü lah.

1 KIUTHSÜYUKHEAN 16:41 Iomraidhean Croise

1 KIUTHSÜYUKHEAN 12:31

Manase trük chamkhüh, mung khekhitde yü tüsho David kiulongthsürü kamshihrü 18,000.

1 KIUTHSÜYUKHEAN 15:17

Jumonü Levirünü Joel tsührü Heman yüzahshih; tüsho api buhtsührü Berekia tsührü Asaph; tüsho Merari tsührübo, arü buhtsührü, Kushaia tsührü Ethan;

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 16:37

Davidnü Asaph tüsho api buhtsührübo Atungpuh tangzüng sangdan miki nimung aban sangdan miki yihnüpü lakhi mutukzhakde tankihpü zojih,

1 KIUTHSÜYUKHEAN 6:33

Tankihde alarü mihtsürübo ju harü; tüsho arü tsührübo ju: Kohathrübo: Heman khün thsübuh, Joel tsührü, Samuel tsührü,

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

EZRA 8:20

Ju lung David kiulongthsüpuh tüsho akiulongthsü ching atorübonü Levirü rungde arüngyam ching tankihshihpü mihtsürü 220 mokhita larübo ju arü mungnü thrüta lakheah.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 136:1

O, Atungpuh kilim makshe jihang, tümüde api tsülah! Tümüde api amüthsüm lünnü rünkhiungde lah.

MUNGSHIKHÜN 39:1

Inü tha, “Inü arhimopü lakhi akümkangbah tüsho I mulonü neak müyihbeakshih; mihbukmuyukrü I miki lachoki inü tümü she mütha.”

MUNGSHIKHÜN 77:1

Inü I düsheaknü Thrünpuh ki zhi; tüsho apinü I ki sojih.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

EZEKIEL 40:44

Alungbe chipiripit aleanglim alungbe khikzhakpung ching khün thsürü thsungkheak khiungshakbo lakheah, khülang ju düjinglim abinkhi dukulim chipiripit thrip lakheah, püpü ju dukulim abinkhi düjinglim chipiripit thrip lakheah.

WÜHKHE 1:17

Mosa le Aron bünenü mung thrütyukrübo bea lu,

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.