1 KIUTHSÜYUKHEAN 16:31 - AMÜSÜH HÜM CL Bible (BSI)

³¹ Thüningbo asühang, tüsho alominü asühachihang, tüsho arünü trükshih bolung thashang, “Atungpuh ju kiulongthsüpuh!”

1 KIUTHSÜYUKHEAN 16:31 Iomraidhean Croise

1 KIUTHSÜYUKHEAN 16:30

alomi alalanü api miki ajanang. Alomiküp ju düküngde thsüa lah; ju küyimkishe matrüt.

MUNGSHIKHÜN 145:1

Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

MUNGSHIKHÜN 19:1

Yinmibonü Thrünpuh müretah khipkhitchoh; tüsho thüningbonü api khah rhimo huhchoh.

MUNGSHIKHÜN 47:8

Thrünpuhnü trükshihbo kurungkheak kiulongthsüchoh; Thrünpuhnü api amüsüh kiulongthsü-binkiu kheak binchoh.

MUNGSHIKHÜN 89:5

Tüsho yinmibonü nü amüyinsahbebo shibah, O Atungpuh ; amüsührü mukhungkhi ching nü thiyuro lah.

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 98:4

Alomi alalanü asühde Atungpuh ki ahoang; khün thsüde zhiang, asühachihang, tüsho müshi khünbo thsang.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 2:10

Yunirünü arü ki tha, “Dütre; tümüde kheahang, inü mihtsürü alala thsungkheak asühpü ato thiyusheak atsü hande arüchoh;

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.