1 KIUTHSÜYUKHEAN 16:29 - AMÜSÜH HÜM CL Bible (BSI)

²⁹ Atungpuh kilim api mung ching alim lakhi müretahkhi jihang; kingaün khülang hande arang, tüsho api miki arang. Amüsüh azhingzhing chingnü Atungpuh kingaünang;

1 KIUTHSÜYUKHEAN 16:29 Iomraidhean Croise

1 KIUTHSÜYUKHEAN 16:28

Atungpuh kilim jihang, O mihtsürü yamkhünbo, müretah tüsho sühmüh Atungpuh kilim jihang.

1 KIUTHSÜYUKHEAN 16:30

alomi alalanü api miki ajanang. Alomiküp ju düküngde thsüa lah; ju küyimkishe matrüt.

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

MUNGSHIKHÜN 100:4

Makshe jihde api ripit ching, tüsho mungshide api khikzhakpung ching yüzahang. Api ki makshe jihang tüsho api mung shiang.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 29:1

Atungpuh shiang, O nüsa yinmirübo, Atungpuh müretahkhi tüsho wu shiang.

MUNGSHIKHÜN 29:2

Atungpuh müretahkhi mung shiang; amüsüh akhamdakkhi ching Atungpuh kingaünang.

MUNGSHIKHÜN 50:2

Thülünde akhamkhi Zion chingnü, Thrünpuhnü tah-a arüshihchoh.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 72:15

Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

MUNGSHIKHÜN 95:2

Isanü makshe jihde api miki aranü; isanü mungshikhünbo bede api ki asühachihde ahoanü.

MUNGSHIKHÜN 96:6

Wüntre tüsho wüntre-müretah api miki lah; sühmüh tüsho jaktsü api arüngakopung lah.

MUNGSHIKHÜN 96:7

Atungpuh shiang, O mihtsürü yamkhünbo, Atungpuh müretah tüsho sühmüh shiang.

MUNGSHIKHÜN 96:9

O, amüsüh jaktsü ching Atungpuh kingaünang! Api miki ajanang, alomi alala.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

EZEKIEL 24:25

Tüsho mihtsürü tsührü, küyimki inü arü kheaknü arü chipibo, arü asühachih tüsho müretah, arü mük asühkhi tüsho arü mulong amuzho, tüsho arü tsührübo le tsührübebo she lukhambanü,

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

AMIKHEAKAKHIUKKHI 7:12

tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”

1 SAMUEL 6:5

Jumonü nüsanü alo thsümünimjihkhi mübo tüsho phihnu kiphahde thsang, tüsho Israel Thrünpuh ki müretahshang; khükijua api khah nüsa le nüsa thrünpuhbo tüsho nüsa lomi chingnü adükhebah.