1 KIUTHSÜYUKHEAN 15:29 - AMÜSÜH HÜM CL Bible (BSI)

²⁹ Atungpuh tangzüng sangdan David kiuto ching azahchoki, Saul tsührübe Mikalnü ayinripit chingnü abinkhita kheah, tüsho David kiulongthsüpuh jukde tüsho tsünde ngü; tüsho alibenü anihbe mulong chingnü api mükhemürang.

1 KIUTHSÜYUKHEAN 15:29 Iomraidhean Croise

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

1 KIUTHSÜYUKHEAN 15:28

jumonü Israel alalanü Atungpuh tangzüng sangdan ju zhide, shihjuh, hulipungpungbo, larüpbo, tüsho bingshangbo le bingkhungbo khungde shuhbah atu.

1 KIUTHSÜYUKHEAN 17:1

Kheakü küyimki David anihbuh yam ching lakhea, Davidnü Nathan ki tha, “I a cedar yam khülang ching lah, tüshe Atungpuh tangzüng sangdan khimyam khüp lah.”

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 150:4

Züpzüppü bede tüsho tsünde api shiang; aliu kihkhi kingzükingdobe tüsho khungpibo bede api shiang!

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

ABEKHIT 15:20

Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

JEREMIA 3:16

Tüsho küyimki nüsa lomi ching wüh bubanü, Atungpuhnü thachoh, arünü kheaküa mütha, “Atungpuh tangzüng sangdan.” Ju lüm ching marü, yungsho mülümkhit, yungsho müthsülo.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

WÜHKHE 10:33

Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih,

YUNIRÜBO RHIMO 2:13

Püpürünü keangrümünede tha, “Arübo yukhunü müshanga lah.”

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

2 KORINT 5:13

Tümütüsho isa ju isa tsangde lasho, ju Thrünpuh thsungkheak lah; isa ju isa lümkhi alungki ching lasho, ju nüsa thsungkheak lah.

YUZÜNGTHALO 31:26

“Ha yakzan hüm luang tüsho Atungpuh nüsa Thrünpuh tangzüng sangdan rheang ching yukang, junangde api mihtsürü azhihde thiyumütsan labah;

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”

MAHKHAPRÜ 20:27

Tüsho Israel mihtsürünü Atungpuh ki keokhi (tümüde ju nimungbo ching Thrünpuh tangzüng sangdan ju ching lakheah,

1 SAMUEL 25:44

Saulnü atsührübe David niube Mikal ju Gallimrü Laish tsührü Palti kilim jih.

1 SAMUEL 4:3

Küyimki thirithsürübo binkheampung ching arükhea, Israel azothsürübonü tha, “ Tümüde Atungpuhnü khihni isa Filistiarü müngüh tsomüzütshihkhea? Isanü Shilo chingnü Atungpuh tangzüng sangdan ha ching hande aranü, junangde api isa bolung arübah tüsho isa riri khah chingnü akhümkhitbah.”