1 KIUTHSÜYUKHEAN 15:2 - AMÜSÜH HÜM CL Bible (BSI)

² Judüki shenü she mushuh tüshe Levirünü Thrünpuh sangdan shuhbah de Davidnü thiyukhüm jih, tümüde Atungpuh sangdan shuhpü tüsho lünnü api tankihpü Atungpuhnü arü mokhit.

1 KIUTHSÜYUKHEAN 15:2 Iomraidhean Croise

2 SAMUEL 6:13

tüsho Atungpuh sangdan shuhrü jingdükü thuruk yüchoki, apinü moshipung khülang tüsho amüdangkhi moshi nunu laksah-a Atungpuh kingaün.

2 KIUTHSÜYUKHEAN 35:3

Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

ABEKHIT 25:14

Nüsanü akhrihbebo ju sangdan rheangbo kheak phuhphobo ching yukang, junangde jurünü sangdan shuhbah.

ISAIA 66:21

Tüsho inü arübo khürü amükeamrü tüsho Levirü nangde alubah, Atungpuhnü thachoh.

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 3:9

Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah.

WÜHKHE 7:9

Tüshe Kohath tsührübo kilim a apinü tümü müjih, tümütüsho arünü arhimobe lakhi ju amüsüh kukruk, arü dubuh kheaknü ahanpü lakheah.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.

JIHUSUA 3:3

tüsho mihtsürübo ki tha, “ Küyimki nüsanü amükeamrübo Atungpuh nüsa Thrünpuh tangzüng sangdan hanbah angübanü, khimyam lukang tüsho arü yanang,

JIHUSUA 6:6

Jihusuanü amükeamrübo jibahle tha, “Atungpuh tangzüng sangdan hanang, tüsho nüsa thüne hulipungpung shuhbah ju müngüh yüang.”