1 KIUTHSÜYUKHEAN 15:16 - AMÜSÜH HÜM CL Bible (BSI)

¹⁶ Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 15:16 Iomraidhean Croise

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 16:5

Akubuh ju Asaph, api khinbuh Zekaria, Jeiel, Shemiramoth, Jehiel, Mattithia, Eliab, Benaia, Obed-edom, tüsho Jeiel arünü bingshang tüsho bingkhungbo khung; Asaphnü larüpbo king;

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

1 KIUTHSÜYUKHEAN 6:16

Levi tsührübo: Gershon, Kohath, tüsho Merari.

2 KIUTHSÜYUKHEAN 20:19

Tüsho Levirü, Kohathrü le Korarünü düsheak khide achangnü Atungpuh , Israel Thrünpuh shipü zhip.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

NEHEMIA 12:36

tüsho api buhtsührü, Shemaia, Azarel, Milalai, Gilalai, Maai, Nethanel, Juda tüsho Hanani, arünü Thrünpuh mihtsürü David yo khungpi aphuaphu shuh. Tüsho arü müngüh Ezra athrütbuhnü thobah dung.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

NEHEMIA 12:46

Kiulongthsüpuh David tüsho adüso khün thsübuh Asaph kim chingnü, khün thsürübonü Thrünpuh ki makshe jihde mungshikhi rhimo thsü.

MUNGSHIKHÜN 100:1

Nüsa lomibo alala, Atungpuh ki asühde zhiang!

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 150:5

Larüpbo düsheaknü api shiang; larüpbo kingde api shiang!

MUNGSHIKHÜN 81:1

Isa sühmüh Thrünpuh ki achangnü khün thsang; Jakob Thrünpuh ki asühkhi düsheak thsang.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

MUNGSHIKHÜN 87:7

Khün thsürü tüsho kingzükingdorü chidonü thachoh, “I ke-bukpung alala nü kheak lah.”

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

ABEKHIT 15:20

Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

AMOS 6:5

shepünü khün müjimpü küncho, tüsho David nangde khün-khungbe kingcho;

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

2 TIMOTHI 2:2

tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang.

TITA 1:5

Ha dünkheaknü inü nü ki Krete ching lashihkheah, junangde dükde mülakhi nünü thsülangbah, tüsho inü nü ki khuhlangahuhkhi nangde kiuto aban ching limberübo mokhitbah.