1 KIUTHSÜYUKHEAN 15:15 - AMÜSÜH HÜM CL Bible (BSI)

¹⁵ Tüsho Mosanü thiyukhüm jihkhi Atungpuh yu yande Levirünü Thrünpuh sangdan ju sangkhrihbo yukbah arü dubuh kheaknü shuh.

1 KIUTHSÜYUKHEAN 15:15 Iomraidhean Croise

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

2 SAMUEL 6:13

tüsho Atungpuh sangdan shuhrü jingdükü thuruk yüchoki, apinü moshipung khülang tüsho amüdangkhi moshi nunu laksah-a Atungpuh kingaün.

1 KIULONG THSÜRÜ 8:8

Akhrihbebo ju khide ashangmonü alunglim arüngyam miki amüsüh dangpung kheaknü she akhrihbe münkheam ngüde alakheah; tüshe wungdo chingnü a jurü müngü; jurübo khihni khiungde lah.

1 KIUTHSÜYUKHEAN 13:10

Uzza kheak Atungpuhnü bukakhiuk; apinü anihbuh shika lungshih tümütüsho apinü akhah sangdan lim chungkhit; tüsho api ju ching Atungpuh miki sheabah.

2 KIUTHSÜYUKHEAN 5:9

Akhrihbe sangbo khide ashangmonü amünkheambo ju alungbe arüngakopung mikhuh amüsüh dangpung chingnü ngü; tüshe wungdo chingnü jurü müngü; jurübo khihni khiungde lah.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 7:9

Tüshe Kohath tsührübo kilim a apinü tümü müjih, tümütüsho arünü arhimobe lakhi ju amüsüh kukruk, arü dubuh kheaknü ahanpü lakheah.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.