1 KIUTHSÜYUKHEAN 15:12 - AMÜSÜH HÜM CL Bible (BSI)

¹² Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

1 KIUTHSÜYUKHEAN 15:12 Iomraidhean Croise

1 KIUTHSÜYUKHEAN 15:1

Davidnü anihbuh thsungkheak David kiuto ching thüyambo thsü, tüsho apinü Thrünpuh sangdan zopung thsakham tüsho ju thsungkheak khimyam khülang thsü.

1 KIUTHSÜYUKHEAN 15:14

Jumonü amükeamrübo tüsho Levirünü Israel Thrünpuh, Atungpuh sangdan shuhde atupü thsüde arübo tsangkhit.

1 KIUTHSÜYUKHEAN 15:3

Atungpuh sangdan shuhde aturü apinü athsakhamkhi azopung ching zopü thsüde Davidnü Israel alala Jirusalem ching bemukhung.

1 KIUTHSÜYUKHEAN 16:1

Arünü Thrünpuh sangdan hande yüzah, tüsho Davidnü athsükhi khimyam alunglim zo; tüsho arünü taka kingaünkhi tüsho mungtsü kingaün Thrünpuh miki jih.

1 KIUTHSÜYUKHEAN 24:31

Harü she Aron tsühsoniuso arü buhtsührünü arhimokhi nangde, kiulongthsüpuh David, Zadok, Ahimelek, amükeamrübo yamkhün tsühsoniuso akubo tüsho Levirübo azorü tüsho keoniorü akheambuh mikinü azan thsü.

1 KIUTHSÜYUKHEAN 9:34

Harü ha arü lünkhe yande, Levirü jipürü yamkhün akubo; harü limberübo Jirusalem ching lakheah.

2 KIUTHSÜYUKHEAN 1:2

Solomonnü Israel alala, chithürübo tüsho chibo kurungkheak wühkenorü, mahkhaprübo, Israel limberü alala, guk ching akubo jimukhung.

2 KIUTHSÜYUKHEAN 1:4

(Tüshe Davidnü Thrünpuh sangdan ju Kiriath-jearim ching lude apinü athsakhamkhi dangpung chingnü arü; tümüde apinü ju thsungkheak Jirusalem ching thsüa zo.)

2 KIUTHSÜYUKHEAN 30:15

Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

2 KIUTHSÜYUKHEAN 35:6

Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

2 KIUTHSÜYUKHEAN 5:11

Kheakü küyimki amükeamrübo amüsüh dangpung chingnü akhiukkhea (tümüde amükeamrübo ju ching larü alalanü arü chamnakkhi mülümde müsühkhit,

2 KIUTHSÜYUKHEAN 5:2

Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

NEHEMIA 13:22

Levirübo ki nihbuh zangrü müsühkhitpü tüsho Amuni müsühde azopü thsüde chipiripitbo aheangang de inü thiyukhüm jih. I lümkhitang, O I Thrünpuh, nü amüthsüm ato hode I kümang.

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

EZEKIEL 48:11

Ha Levi trük khürü Israel mihtsürü tsophülapchoki, I yukhüm zokhi, Zadok tsühsoniusobo atsangkhitkhi amükeamrübo thsungkheak labah.

JOHAN 17:17

Nü thiyuro hode arü tsangkhitjang. Nü yu ju thiyuro ah.