1 KIUTHSÜYUKHEAN 15:1 - AMÜSÜH HÜM CL Bible (BSI)

¹ Davidnü anihbuh thsungkheak David kiuto ching thüyambo thsü, tüsho apinü Thrünpuh sangdan zopung thsakham tüsho ju thsungkheak khimyam khülang thsü.

1 KIUTHSÜYUKHEAN 15:1 Iomraidhean Croise

2 SAMUEL 14:24

Kiulongthsüpuhnü tha, “Api nihbuh yam ching yüshang; api I miki mazahbeah.” Jumonü Absalomnü nihbuh yam lim yü, tüsho kiulongthsüpuh miki müyüzah.

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

1 KIUTHSÜYUKHEAN 15:3

Atungpuh sangdan shuhde aturü apinü athsakhamkhi azopung ching zopü thsüde Davidnü Israel alala Jirusalem ching bemukhung.

1 KIUTHSÜYUKHEAN 16:1

Arünü Thrünpuh sangdan hande yüzah, tüsho Davidnü athsükhi khimyam alunglim zo; tüsho arünü taka kingaünkhi tüsho mungtsü kingaün Thrünpuh miki jih.

1 KIUTHSÜYUKHEAN 6:31

Tangzüng sangdan hande arü shu Davidnü Atungpuh yam ching khün thsüpü mokhitrü mihtsürü harü lakheah.

2 KIUTHSÜYUKHEAN 1:4

(Tüshe Davidnü Thrünpuh sangdan ju Kiriath-jearim ching lude apinü athsakhamkhi dangpung chingnü arü; tümüde apinü ju thsungkheak Jirusalem ching thsüa zo.)

2 KIUTHSÜYUKHEAN 5:2

Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

MUNGSHIKHÜN 132:5

inü Atungpuh thsungkheak dangpung, Jakob Wuto Thrünpuh thsungkheak lapung khülang müngüyi khiungde.”

YUNIRÜBO RHIMO 7:46

Apinü Thrünpuh amuzho ngü tüsho Jakob Thrünpuh lapung yimkhitpü keo.