1 KIUTHSÜYUKHEAN 13:6 - AMÜSÜH HÜM CL Bible (BSI)

⁶ Cherubim kumung Atungpuh mung lakhi Thrünpuh sangdan ludarüpü David tüsho Israel alala Judarü yo Kiriath-jearim lim, Baala ching wutu.

1 KIUTHSÜYUKHEAN 13:6 Iomraidhean Croise

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

ABEKHIT 25:22

Tangzüng sangdan kumung lakhi cherubim mahne dükeaknü inü nü shorubah tüsho Israelrü thsungkheak I yukhümbo alala jihbah.

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

WÜHKHE 7:89

Küyimki Mosanü Atungpuh ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.

JIHUSUA 15:60

Kiriath-baal (ju Kiriath-jearim) tüsho Rabba: kiulongbo bebah kiuto 2.

JIHUSUA 15:9

Ju chingnü Nephtoa ayung tüsho Ephron wung phünide kiutobo khiung; ju chingnü Baala (ju Kiriath-jearim) lim kiklo,

JIHUSUA 9:17

Jumonü Israelrübonü tsahmusubahle nimung mahsam dunglim arü lapung kiutobo harü khiung: Gibeon, Kephira, Beeroth, tüsho Kiriath-jearim.

1 SAMUEL 4:4

Jumonü arünü mihtsürübo Shilo ching yüshih tüsho cherubim dükeak binkhi Wuto Atungpuh tangzüng sangdan ju chingnü lubah arü. Eli tsührü mahne, Hophni tüsho Phinehas Atungpuh tangzüng sangdan lung arü.

1 SAMUEL 6:21

Jumonü arünü yunithsürübo Kiriath-jearim ching larü kilim yüshih tüsho tha, “Filistiarünü Atungpuh sangdan jihloa arüshihdo. Akiang tüsho nüsanü shuh-a lung.”