1 KIUTHSÜYUKHEAN 13:12 - AMÜSÜH HÜM CL Bible (BSI)

¹² Ju nimung Davidnü Thrünpuh trede tha, “ Küde thsah Thrünpuh sangdan I ki hande arüba?”

1 KIUTHSÜYUKHEAN 13:12 Iomraidhean Croise

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

1 KIUTHSÜYUKHEAN 13:11

Davidnü bukakhiuk tümütüsho Atungpuhnü Uzza kheak azhihde bukakhiuk; jumonü ju dangpung ki khihni khiungde Perez-uzza de jichoh.

1 KIUTHSÜYUKHEAN 13:13

Jumonü Davidnü sangdan ju David kiuto ching hande müyüzah; ju müthri apinü Gitrü Obed-edom yam ching hande yüzah.

1 KIUTHSÜYUKHEAN 21:30

tüshe Davidnü Atungpuh ki keokhipü ju miki müyükhuk, tümüde apinü Atungpuh yunirü nukshang trede alakheah.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

MATHI 25:24

“Judüki suna shonak 1000 leangkhibuhnü arübah tha, ‘Atungpuh, nü amüküp mihtsürü ah de inü mükheahlah; küching nünü mümükheankhea, ju ching nünü yimluchoh, tüsho küching nünü müjih muhiukhea, ju ching nünü hanmukhungchoh.

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”