1 KIUTHSÜYUKHEAN 12:38 - AMÜSÜH HÜM CL Bible (BSI)

³⁸ Harü alala, thirithsürübonü shihkhin thsübah lümkhi alalanü Israel alala kurungkheak David kiulongthsürü kamshihpü Hebron ching arü; junangde aningkhi Israel alalanü David kiulongthsürü kamshihpü lümkhi khülang thsü.

1 KIUTHSÜYUKHEAN 12:38 Iomraidhean Croise

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

1 KIULONG THSÜRÜ 8:61

Jumonü khihni nangde api yakzanbo tüsho api yukhümbo anide nüsabo Atungpuh isa Thrünpuh kilim shuhmülanga jihang.”

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

1 KIUTHSÜYUKHEAN 12:33

Zebulunrü banthsangkhi bonungrü thirithsü ching thsühnuk alala shuhkhukde lümkhi khülang thsübah David rungrü 50,000.

1 KIUTHSÜYUKHEAN 12:37

Reubenrü, Gad tüsho Manase trük chamkhüh, Jordan hobah alakhi thirithsü thsühnuk alala thsakhambah alarü 120,000.

1 KIUTHSÜYUKHEAN 12:39

Arübo ju ching David lung nimung mahsam tsühyungde mung, tümüde arü keoniorübonü arü thsungkheak thsakhamjih.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.