1 KIUTHSÜYUKHEAN 12:17 - AMÜSÜH HÜM CL Bible (BSI)

¹⁷ Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

1 KIUTHSÜYUKHEAN 12:17 Iomraidhean Croise

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

1 KIULONG THSÜRÜ 2:13

Judüki Haggith tsührü Adonijanü Solomon abe Bathsheba kilim arü. Alibenü keokhi, “Nü mungtsü chingnü arücho de?” Apinü alo, “Mungtsü chingnü.”

2 KIULONG THSÜRÜ 10:15

Küyimki api ju chingnü atsokhea, apinü Rekab tsührü Jehonadab anihbuh shorupü arükhi shoru; apinü anihbuh ki salüm jih tüsho api ki tha, “Inü nü kheak thiyuro lakhi nangde nü mulong I kheak thiyuro la shi?” Jehonadabnü alo, “Ju ruk ah.” Jehunü tha, “Ju ruk a sho, nü khah I kilim jihang.” Jumonü apinü anihbuh kilim akhah jih. Jehunü api anihbuh lung khoralolungbe ching bekih.

2 KIULONG THSÜRÜ 9:22

Küyimki Joramnü Jehu ngükhea, apinü tha, “Jehu, ha mungtsü a shi?” Apinü alo, “Nü be Jezebelnü thümükhi tüsho sangthsü kingaünkhi khiungde tümü mungtsü lapü?”

1 KIUTHSÜYUKHEAN 12:16

Benjaminrü tüsho Judarü khürü chipi ayünkhi ching David kilim arü.

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

MUNGSHIKHÜN 86:11

I ki nü limro thsangyuang, O Atungpuh ; inü nü thiyuro ching tsahbah; nü mung trepü thsüde I mulong arihshang.

JEREMIA 32:39

Inü arü kilim mulong khülang tüsho limro khülang jihbah, junangde arü tsükhi tüsho arü dunglim arü tsührübo tsükhi dünkheak lünnü arünü I trebah.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

1 SAMUEL 16:4

Atungpuhnü thiyukhüm jihkhi Samuelnü rhimo, tüsho Bethlehem ching arü. Kiuto azothsürübonü api shorupü ajande arü, tüsho tha, “Nü mungtsü chingnü arücho de?”

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.