1 KIUTHSÜYUKHEAN 12:16 - AMÜSÜH HÜM CL Bible (BSI)

¹⁶ Benjaminrü tüsho Judarü khürü chipi ayünkhi ching David kilim arü.

1 KIUTHSÜYUKHEAN 12:16 Iomraidhean Croise

2 SAMUEL 23:14

Judüki David a chipi ching lakheah; tüsho Filistiarü boto Bethlehem ching lakheah.

1 KIUTHSÜYUKHEAN 12:15

Harü ha ayung mide abukchoki, tüsho jindükhün ching larü hiumüzütde aniakhiuklim tüsho aniyüzahlim yüshihchoki akhuhbe khinu ching Jordan horübo lakheah.

1 KIUTHSÜYUKHEAN 12:17

Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

1 KIUTHSÜYUKHEAN 12:8

Gadrü kilimnü athrungrü tüsho thirithsü ching rük zahrü, tsung tüsho thsüh shuhsorü, miro kekhüzübo nangde, tüsho awung ching alihde atsahkhi rimsung nangde David kilim sunglo chipi ayünkhi ching yü:

MUNGSHIKHÜN 68:27

Akhuhde trük aninibe Benjamin, jushu Juda limberübo arü khunungbo bede, ju khin Zebulun tüsho Naphtali limberübo arüchoh.

JIHUSUA 3:15

tüsho küyimki amükeamrübonü tangzüng sangdan hanbah ke münküp ching tsahyukkheanü Jordan ke ju yimlu ruhroro bukkhitde buk,

1 SAMUEL 22:4

Apinü arübo Moab kiulongthsüpuh ki zojih, tüsho David lungkhün ching lakhi amuyung arübo api lung lakheah.

1 SAMUEL 22:7

Saulnü api sündoa zhiprübo ayamlarübo ki tha, “ Kheakü aniang, nüsa Benjaminrübo; Jesse tsührünü nüsa abande thulubo le kurungasolubo jihba de, apinü nüsa alala chithürübo tüsho chibo kurung wühkenorü kamshihba de?